رويلي رويلي(صوت وصدى)

[ابو غريب العبدلي]

تشرفت با اسناد الشاعر القدير .... سلمان الوهيف الرويلي وصح لسانه على
ما شرفني وتوجني به وسام على صدر العبدلي وسلمان غني عن التعريف ويفتخر كل شاعر بمجاراته واسناده ولاقصور باحد ونعم بجميع القبائل

بعض العرب كنك تعرفه من سنين=لو كان شوفه ماحصلّك وشفته..
فعله ينوب لشوفته شوف بالعين=له سمعةٍ مثل الذهب لاسمعته
هذاك من هو شامخاّ بالميادين=أبو غريب العبدلي لاعدمته..
نسل الرجال الطيبين العزيزين=والطيب ساسه منبعه من عرفته
به نخوة الويلان فعل وعناوين=ويشوش راسه لا أنتخيت وزهمته..
فعله يشرف واضحاً بالبراهين=رجلٍ فعوله تمدحه مامدحته
داره قطر دار الرجال الكريمين=الديره اللي حبها وأحتضنته
ليتي معه وأشاهده بالدواوين=وليته هنا بالمملكه لاذكرته

الشاعر / سلمان الوهيف

( رويلي رويلي )

يامرحبا يانسل ناس(ن) مسمين=ويامرحبا في خطك اللي كتبته
قدرك ياابن وايل على الراس والعين=ياراعي العليا قصيدك حفظته
شاعر ولك بصمه تهز الميادين=والمجد كله ياابن عمي خطفته
سلمان يااللي عايش(ن)في زمانين=وعلم المراجل في زمانك كسبته
رويلي رويلي والجدود الوفيين=افعالكم غيري وانا مانكرته
سلمان لاتبعد عن القلب والعين=خلك مع اللي بااول العيد ضفته
انا معك في عالم الزين والشين=ولي الشرف في قافك اللي عسفته

ابوغريب العبدلي

[حمد الضوّي]

ابو غريب العبدلي

صح لسانك ولسان سلمان الوهيف وبيض الله وجيهكم
صوت وصدى ولا أروع مبدعين لاهنتوا جميعا ً
والف نعم فيكم ودمتم سالمين
وكل عام وانتم بخير



انقى تحيه

[هندي المقبل]

صوت وصدى رائع

والنعم في اهل العليا والعبادله وانت على خطى اهلكم سايرين

صح لسان الشاعرين وشكرا لك اخي ابو غريب لادراجها هنا

[ابو غريب العبدلي]

صح ابدانكم جميعا لي عوده لكم ان شاءالله داخل من جوال

[بدرفهد الجعفري]

ابو غريب العبدلي

صح لسانك ولسان الشاعر سلمان الرويلي

جميل الصوت والصدى والف نعم بالجميع

[سعد النفج]

صحت السنتكم و صوت و صدى من شاعرين مميزين ..

[محمد البويليد العنزي]

صح لساااااااااانك وأعتلا شاااااااانك
أبيات درر متناثره ، أستمتعت بها كثيراً
كل الشكر لك
دمت بخير