( الـشـمـوخ )

[منصور الرويلي]

لا عـاش رأسٍ خاطـره عــاش مكـسـور=ولا هــان رأسٍ مــا ألـحّـق الـمـد مّـنـه
في هالزمان اللي من الصدق مهجور=كـم مـن أسنـافـي بالبـشـر خــاب ظـنـه
في خاطره كلمة وفي داخلـه جـور=وفــي نظـرتـه عــزه وعـطـف ومـحّنـه
يشعر بضيق صدور وصدور وصدور=ولا يبـدي الشكـوى علـى النـاس لنّـه ؟
عـزيــز قـــوم وصــــار مـنـهــي ومــأمــور=يـعـنـي ظـروفــه فـــي حـيـاتــه حـدنــه

.
.
.
.

الصدق مبدى والوفا نهج وسلوم = والنفس ماتجبّر على شي مكروه
والرُجل مايتبع .. رديين ورخوم = واليا تبعّهم يغدي الدرب ويتوه
الرجُل له مبدى وأساليب وهموم؟=ولاكل همٍ هز صدره يعرفوه
ياصاحبي موقفك واضح ومفهوم = لا تحسبني ضايق البال ياهوه
أنا ولد قرناس ماني ولد بوم = وأنا الذي لا جيت للناس حيوه
أنا الوفا مبداي وجدودي قروم = ضلع المراجل بالمكارم تعلوه
أحساسي أسمى والقدر شي مقسوم=مارجي سوى اللي كل خلقه ترجوه
ماجيت أرد أعلوم ؟ وأدوّر أعلوم = أنا الشموخ اللي هل المجد سموه
ياليتني من صدق الاحساس معدوم=ميت مشاعر . فاقد العقل . معتوه
ماكان يجرحني صدى صوت مظلوم = في مُجتمع غاوي وهاوي ومشبوه
لي نظرةٍ أرفع بها الراس وأشوم = عن الذي لا جاهم الضيف خلوّه
ولي بصمةٍ بالشعر ماتقبل السوم = ماهزها حاسد وناقص ومسفوه
ولي هقوةٍ يفرح بها كل زيزوم = لا طوّف الواجب رديً .. تناسّوه !
أدري بحاله ؟ ماعلى عيني غيوم = قولة هلا عنده مثل قول خيوّه
ماقلتها قصدي . مشاريه . وألوم=ألوم رجُلن عن مبأديه غروه ؟
أهل الردى والزيف والكذب والزوم = مالي عليهم يأهل العرف مشرّوه
صدري سماء وأهداف غاياتي نجوم = يابعُدهم عن منزلي لو تمنوّه
ترقابي أسلومي لو أطيح وأقوم = أرقى لها واللي على الارض خلوه
إرتك على متنٍ يشّيلنه أعزوم = صميدعٍ لو أقرب الناس عادوّه
يعيش رأسٍ يعشق المجد ويدوم = رأسٍ يضد اللي بفعله تحدوّه
ولا عاش رأسٍ عن مبأديه منجوم = لا دار فنجال المواجيب عدُوه ؟
عدُوّه للي بالصعيبات .. شغموم = حرن صفاته ماتشابه سوى أبوه
هذاك (نايف) شوفته تبعد الحوم = نسل الحرار اللي على الطيب ربوه
يشوش راسه لا أعتزى فيه مضيوم = سِمي أبوي ويفتخر يوم سموه

.
.
.
.

[محمد خلف الزايدي]

منصور الرويلي"
صح لساااانك جزلا في شخصك وجزلا في حرفك عذبا في اسلوبك
واضح في معاانيك لقد ارتوينا شعرا نقيا غذبا فرااةٌ يعجب القاري ويطرب مسامع المتلقي
صح هالمنطووق الرااقــــــــــــــي بشمووووخك الســـــــــــــااامــــــــي
ودي واحتراامي لك وللجميع

[هندي المقبل]

الشاعر منصور الرويلي

آهلا بك وحياك الله مجددا في بيتك

وصح لسانك على هذه الرائعه الشعريه ،،، مبدع كالعاده

[سالم صالح]

منصور الرويلي

صح السانك وعادتك الابداااااااااااااااع والطيب

تقبل تقديري

[عبدالرحمن الجابري الحربي]

الشاعر / منصور الرويلي

صح لسااانك ولا هنت


تحياتي

[بدرفهد الجعفري]

الشاعر منصور الرويلي

صح لسانك على هذه الشامخه ،،،،، ابدعت في ماكتبت وشكرا لك على طرحها هنا

[منصور الرويلي]

لاهنت ياخلف

الشكر والتقدير لك

دمت بخير