الصمت في بعض المواقف شهامه....... - °~*¤®§(§ شبـــكة ويــلان العـربـيـه §)§®¤*~ˆ°

**احمد العريفي** · 26/07/12, (02:12 AM)

جـتني تسلم في سلامه عمى عـين = يالـيت ربي فـكـني من ســلامـــــه

مـدت يمينٍ ساعـدتها الشياطــــــن = وزودٍ على ضغط اليمين ابتسامـه

ثم اكـشفت وجهٍ حوى كامل الزين = بدرٍ تجـلى عن سـواد الغمـامــــــه

وقالت بصوت بحه الهـــــم والبين = والحزن واضح في ثنايا كلامـــــه

وينك ثمان اسنين مالك عـنـــاوين = ولا لقينا بالوطن لك عـلامــــــــــه

درت البلاد ودرت كل الـميـــــادين = ودرت الشمال ونجد واعلى تهامه

تركـتني واقـفيت مثل الشيــــاهين = حـطمت قلبي واسود الوقـت ظامه

لا زال حـبي لاجـيٍ بالـشــرايين ؟ = والا خـذا قلبك فــريد الـعـــدامـــــه

وتبسمت والدمع وصل الشفـاتيـن = والحزن ركز بالضماير سهامــــــه

قالت وانا صامت ولا قلت حرفـين = الصمت في بعض المواقف شهامه

وسحبت انا يدي وقفيت بالحيــــن = وابعدت عن درب الخطا والندامــه

حـماني الله في ثلاثٍ مع الـــــدين = العقل والعـفه وخوف المـلامـــــــه

احمد بن عبدالرحمن العريفي
(نديم المجره)

**سليمان الجعفري** · 26/07/12, (01:23 PM)

قالت وانا صامت ولا قلت حرفـين
،،،،،،،،،،،،،،، الصمت في بعض المواقف شهامه

وسحبت انا يدي وقفيت بالحيــــن
،،،،،،،،،،،،،،، وابعدت عن درب الخطا والندامــه

حـماني الله في ثلاثٍ مع الـــــدين
،،،،،،،،،،،،،،، العقل والعـفه وخوف المـلامـــــه

الشاعر الرااائع / احمد العريفي
صح لساااانك ملايين على القصيد المميزة والرااائعه
الله يعطيك الف عافيه .. لاهنت ياالغالي

لك تحياتي

**حمد الضوّي** · 26/07/12, (03:29 PM)

أحمد العريفي

صح لسانك وإعتلى شانك قصيده مميزه
لافض فوك

تحايا

**صالح الأسود الجعفري** · 28/07/12, (12:36 AM)

احمد العريفي

صح السانك نص جميل جداً

دمت بخير

**ابوسلطان العنزي** · 28/07/12, (01:26 AM)

احمد العريفي صح السانك شاعر جز ولا تقول الا الجزله لك تحياتي

**خلف الغريب** · 29/07/12, (02:52 PM)

صح لسانك اخوي احمد وانت دايما جزل وبيض الله وجهك وسلمت على هالاخلاق الكريمة

تحياتي وكل عام وانت بخير

**هندي المقبل** · 30/07/12, (02:48 PM)

كفو والف نعم جزل شعرا وخلقا

صح لسانك ودمت مبدعا يا احمد وكل عام وانت بخير