اهداء للأخ عبد الله سعود العنزي - °~*¤®§(§ شبـــكة ويــلان العـربـيـه §)§®¤*~ˆ°

**مشعل التريباني** · 25/06/12, (12:56 PM)

بسم الله الرحمن الرحيم
هذه الابيات هديه للاخ الغالي الملازم عبدالله سعود العنزي ارجو ان تنال اعجابه والله لو كتبت الدواوين ماتوفيه حقه ولكن تعبير واظهار لمعروفه علي
(( اخوك مشعل عسام التريباني الشمري))

لاهنت ياساس الوفا منبع الطـــيب=لاهان راســـــــن للمعاريف نايل
عبدالله بن سعود زبن الاصاعـيب=من روس قومن يكسـبون الجمايل
حرن تعلّـّى فوق روس المراقـيب=متسلسلن مـــــن ذروت اولاد وايل
مهي غريبه ياحصان الاطالــــيب=انت الاصيل ومـــن سلالة اصايل
وانتم هلا الطولات مهـــي تكاذيب=ترتيبكم بالطــــــيب ظمن الاوايل
منكم مصوّت بالعشا بالمراقـــــيب=يوم الســـــــنين المغبرات الهزايل
ومنكم عقاب مأدب الخصــم تاديب=عقاب شــــــوق منقضات الجدايل
لاجا نهارن والدخن كنه الســــــيب=كم خيـّرن راســــه من الشيخ مايل
فدى بروحه دون زمل الرعابــيب=في ساعتن فيها يصــــــير الهوايل
والجاريلقاعندكم زود ترحـــيــب=انتم ظلاله عـــــــن سموم القوايــــل
غمرتني بالطيب ياراعي الطــــيب=ياكاســــب الناموس راع الفضايل

**حمد الضوّي** · 26/06/12, (06:34 AM)

مشعل التريباني

صح لسانك ونعم بالمادح والممدوح
هو يفعل وانت ماقصرت وإظهار الثناء من شيم الرجال
بارك الله فيك ولافض فوك

تقبل وافر التحايا

**مشعل التريباني** · 26/06/12, (10:50 AM)

حمدالضوي
شكرا لك على المرور الله لايهينك يالغالي

**صبيح العوض** · 27/06/12, (01:10 AM)

صح السانك قصيده شامخه

والنعم بالمادح والممدوح
تقبل مروري

**مشعل التريباني** · 27/06/12, (10:31 AM)

صبيح العوض
شكرا لك على المرور الله لايهينك