شمرهل الطولاات من ماض الازمان - °~*¤®§(§ شبـــكة ويــلان العـربـيـه §)§®¤*~ˆ°

**محمد خلف الزايدي** · 31/05/12, (11:30 PM)

سلام مني مرسله لبو سلطان =بازكا تحيه فايقه واحترامي
مرضي ولد فلجي سلايل كحيلان=عطه الجواب وبلغه في سلامي
وثنّ السلام لعزوته دون نقصان = اهل الوفاء والطيب ربعا احشامي
شمر هل الطولات من ماض الازمان = كسابة الناموس يوم الزحامي
الطيب قبل اليوم حطوه عنوان = عز الرفيق وجارهم مايضامي
ماهم بحاجة مدح ذربين الايمان = مار الصحيح يقال فرضاً الزامي
من طيبهم نعزهم مثل الاخوان = وحب الوفاء والطيب مابه ملامي
لو جيت اعدد فعلهم صار ديوان = قصرت ماوفيت باقي كلامي
ياهيه يالمرسول من دار الاوطان = بالمملكه ياجيت نسل القطامي
قلّه رفيقك في جبل غرب عمّان = يمضي عليه اليوم بحساب عامي
يرفع لك البيضاء على رؤس مابان = ويدعي لك التوفيق يابن الكرامي
ياللي وقفت بنخوتك سر وعلان = فزعة وفاء من جود رجلٌ عصامي
تعيل بالمعروف من باب الاحسان = من طيب ساسك يارفيع المقامي
واخر كلاامي معذره يابو سلطان = اقبل تحياتي وكل احترامي
بقلمي

**حمد الضوّي** · 01/06/12, (01:43 PM)

محمد خلف الزايدي

صح لسانك وإعتلى شانك
والف نعم بالمادح والممدوح الجميع يستاهل

ودي وتقديري

**محمد خلف الزايدي** · 02/06/12, (12:30 PM)

حمد الضووي"
صح بدنك يالغاالي ومااقلته بهذه الابيات ماهو الانبذه بسيطه ونموذج مصغر عن رجال تلك القبيله
العريقه والمشهود لها بالطيب وبمكاارم الاخلااق بدوون قصوور في بقية القباايل الاخرى
شاااكر لك ومقدر مرورك العطر الشكر كل الشكر لك سيدي
ارق واعذب التحاايا لك وللجميع

**هندي المقبل** · 06/06/12, (06:52 AM)

شاعرنا القدير محمد الذايدي

صح لسانك وبيض الله وجهك فقد كفيت ووفيت والف نعم بقبيلة شمر

ويستاهل المدح من حصله ونحن نقول معك ايضا شكرا ابو سلطان

**صالح الأسود الجعفري** · 08/06/12, (11:02 PM)

محمد الزايدي

بيض الله وجهك وصح السانك
والنعم بك وبشمر
دمت بخير

**محمد خلف الزايدي** · 08/06/12, (11:26 PM)

هندي المقبل "
مديرنا الفاااضل لي الشرف الكبير ان احووز على شهاااده بحجم الاتستاذ هندي المقبل
وانا فخوور بكل حرف خطته انااملك الطااهره
ومن المعلووم ياستااذي القدير ان الرجل هو الواجهه الاولي لقبيلته او لادارته او لدولته
وهذا الرجل الذي اثنيت عليه بهذه الابياات المتوااضعه / مرضي فلجي الزميلي الشمري
كاان له موقف مشرف في خارج المملكه بدون ساابق معرفه ولكن غريزة النخووه وطيب المعدن
تسري في عروووق وشراايين روووحه وبدنه النبيل وانا مهما مدحت او اثنيت عليه لم افيه حقـــــه
اخي الكريم لك شكري وتقديري

**محمد خلف الزايدي** · 08/06/12, (11:31 PM)

اقتباس:
المشاركة الأصلية كتبت بواسطة صالح الأسود الجعفري
محمد الزايدي

بيض الله وجهك وصح السانك
والنعم بك وبشمر
دمت بخير

اخي الفااضل صاالح الاسوود "
ماعليك زوود وصح بدنك يالوااافي اسعدني ماخطته انااملك الشريفه
الشكر كل الشكر لك وللجميع