اسمع بيوت الرديه = واللي كتبتها بدويه - °~*¤®§(§ شبـــكة ويــلان العـربـيـه §)§®¤*~ˆ°

**بنت راشد** · 29/03/12, (04:01 AM)

السلام عليكم ورحمة الله وبركاته

اسمع بيوت الرديه=واللي كتبتها بدويه
فطين وما هي غبية=مرباها الأفق الوسيعي
مرباها وسط الخليجي=ماجتهم مع الحجيجي
وأبوها ماهو وليجي=عاداته فك المنيعي
قالت كرهت السياسة=من عالم كذب وتعاسة
الواشي يجمع باكياسه=خسيس وفعله وضيعي
ماتشوف العالم محتاسة=والله من كثر البلاسة
تنشط راع الحماسة=واللي يتليها السميعي
الحاكم ماهو حكيمي=قراره ماهو سليمي
لا صار لشعبه خصيمي=خلا الامانه تضيعي
هدوا صروح الحضارة=هدمو بيت الختيارة
ماهمة كثرالخسارة=معجبهم ذبح الرضيعي
اقفا ربيع العروبة=الواقع خدعة واكذوبه
هذه مصيبة وعقوبة=مابقتل المسلم ربيعي
الفتنة ليش اوقدوها=وبنار الكاز اشعلوها
وهنوف تشكي لأبوها=وتنادي وين الشجيعي
تبغانا ليامنا جينا=تمسكنا مع علابينا
ما ندري وين تودينا=يمكن نشوف الربيعي
الطيب راعي فراسه=يفطن لعرضه ولباسه
عدوه لا دق جراسه=والموقف حرج وفظيعي
اللي يحكم تفكيره=وأمره بحكمه يديره
ويفكر وش هو مصيره=ويهمه رأي الجميعي

**حمد الضوّي** · 29/03/12, (02:20 PM)

اسمع بيوت الرديه=واللي كتبتها بدويه
فطين وما هي غبية=مرباها الأفق الوسيعي
مرباها وسط الخليجي=ماجتهم مع الحجيجي
وأبوها ماهو وليجي=عاداته فك المنيعي

الشاعره القديره

بنت راشد

كفو كفو كفو

يابنت الرجال صح لسانك حد الرضى
ما أجمل هذا الطاروق .. المروبع أو مايسمى بطاروق الدحه
لقد ابدعتي أختي وفقك الله

تحايا

**سعد النفج** · 29/03/12, (04:00 PM)

كفو يا بنت راشد ..
و ألف صح لسانك ..
متألقه في كل حضور شاعرتنا المميزة ..

**صالح الأسود الجعفري** · 29/03/12, (06:26 PM)

وعليكم السلام ورحمة الله وبركاته

بنت راشد

كفو والنعم بك يالبدويه صح السانك
دمتي بخير

**طالب الونيس** · 29/03/12, (08:12 PM)


	سمعت بيوت الرديه اللي قالتها ابدويـــــه والنعــــم والله يابنيه ,,,,,,,, بنت الشــــــجعان البتيعي قلتي بلسانا فصــــيحي كلاما كله صــــحيحي واضح مايبي توضيحي ,,,,,,,,, ياعرب ماما ربيـعــي شعوبا صارت مقهوره وانظمةً تقل مسـعوره اولغرب يــروج للثوره ,,,,,,, وحنا نسمعله ونطيعي

**محمد المالكي** · 31/03/12, (06:10 PM)

الشاعره / بنت راشد
مًحاكاة واقع فريده من نوعها , تتحدث عن الكلمات التي تجمدّت على روس الألسنه ..

صح لسانك , ودًمتي كما كنتي ...

**بنت راشد** · 01/04/12, (09:19 AM)

اقتباس:

المشاركة الأصلية كتبت بواسطة حمد الضوّي

اسمع بيوت الرديه=واللي كتبتها بدويه
فطين وما هي غبية=مرباها الأفق الوسيعي
مرباها وسط الخليجي=ماجتهم مع الحجيجي
وأبوها ماهو وليجي=عاداته فك المنيعي

الشاعره القديره

بنت راشد

كفو كفو كفو

يابنت الرجال صح لسانك حد الرضى
ما أجمل هذا الطاروق .. المروبع أو مايسمى بطاروق الدحه
لقد ابدعتي أختي وفقك الله

تحايا

حمد الضوّي شاعرنا القدير
الف تحيه لشخصك الكريم على مرورك وسلم منطوقك الراقي
بارك الله فيك