الـقــهـــــــــــوه

[طالب الونيس]

هذه القصيده قلتها في احد الايام كنت ومجموعه من الاخوه
مدعوين على عرس في احد المناطق وفي صباح العرس
وبعد صلاة الفجر كانو المعازيب تعبانين وتاخرو وقالو الخويا
يابو صالح سو لنا القهوه وسويتها وقهويت الحاضرين وقلت
تراي قلت لي ابيات وانا اصلح لكم القهوه تحبون تسمعونها
قالو تفضل .. فقلت ..

يـاوي فـنجالٍ اعـــمـلته ايديـــه=بيدي مبهّرها وحمسة مزاجــي
لاقيل حــرقانه ولاقـيـل نـــيــــه=دم الغزال اليانقطع عرق تاجي
من وارد الخــــولان ولاّ حبشيه=وعاذيه ماتشرب من الماءالهماجي
سلماً لجداني وانا طبع ليـــــــه=نشريه لو قل الذهب والخراجي
يسـتاهـله راع الــيـدين النّديــه=ذباح حيل الظّان طلق الحجاجي
ويستاهله حـام الدبش والرعيه=اللي عن الموت الحمرمايجاجي
ويســتاهله دمـــــاح زلــة خويه=يصبر ولو فيها عليه انعواجـــي
والاّ الــبقيه كــيّفـه بالـبقــــــــيه=التول واللي بالمطابيخ لاجـي
يقلط على سوراللحـم والشـويه=وان هف دخاناً قفاه العجاجـــي
لوهو قريبك لاتعده دنـيـــــــــــه=والكثر ماعز الرخم والدجاجـي

طالب ونيس السلمي العنزي

[حمد الضوّي]

اقتباس:
المشاركة الأصلية كتبت بواسطة طالب الونيس
هذه القصيده قلتها في احد الايام كنت ومجموعه من الاخوه
مدعوين على عرس في احد المناطق وفي صباح العرس
وبعد صلاة الفجر كانو المعازيب تعبانين وتاخرو وقالو الخويا
يابو صالح سو لنا القهوه وسويتها وقهويت الحاضرين وقلت
تراي قلت لي ابيات وانا اصلح لكم القهوه تحبون تسمعونها
قالو تفضل .. فقلت ..

يـاوي فـنجالٍ اعـــمـلته ايديـــه=بيدي مبهّرها وحمسة مزاجــي
لاقيل حــرقانه ولاقـيـل نـــيــــه=دم الغزال اليانقطع عرق تاجي
من وارد الخــــولان ولاّ حبشيه=وعاذيه ماتشرب من الماءالهماجي
سلماً لجداني وانا طبع ليـــــــه=نشريه لو قل الذهب والخراجي
يسـتاهـله راع الــيـدين النّديــه=ذباح حيل الظّان طلق الحجاجي
ويستاهله حـام الدبش والرعيه=اللي عن الموت الحمرمايجاجي
ويســتاهله دمـــــاح زلــة خويه=يصبر ولو فيها عليه انعواجـــي
والاّ الــبقيه كــيّفـه بالـبقــــــــيه=التول واللي بالمطابيخ لاجـي
يقلط على سوراللحـم والشـويه=وان هف دخاناً قفاه العجاجـــي
لوهو قريبك لاتعده دنـيـــــــــــه=والكثر ماعز الرخم والدجاجـي

طالب ونيس السلمي العنزي



الشاعر القدير

طالب الونيس

صح لسانك وكفو والف كفو أنتم أهل الكيف ساس ٍ على ساس
بيض الله وجهك والف شكر على الإتحاف بهذه الدرر
لافض فوك يا أبا صالح





اجمل تحيه

[طالب الونيس]

الاخ حمد الضوي
اشكرك اباخالد على كلماتك الطيبه
ومشكور على التنسيف الجميل للقصيده

[عبدالرحمن الجابري الحربي]

الشاعر طالب الونيس ..

صح لسااانك ..

داائما الشعراء لا يتركون المواقف تمر إلا بذكرى جميلة ..

أبدعت وتميزت ...

تحياتي ..

[صالح الأسود الجعفري]

طالب الونيس

صح السانك نص مميز
دمت بخير

[سعد النفج]

الله الله .,.
صح لسانك أخي طالب ..
ابيات مميزة و أنت شاعر مميز في كل حضور ..
لله درك و دمت بود ..

[سالم صالح]

طالب الونيس ,,,,

صح السانك والله يجزاك خير ضبطت لاخوياك كيف وبالهالقصيدة ضبطت لنا كيف لاهنت فانت شاعر مبدع


تقبل تقديري