خزنتها بالقارمن للمقابيل - °~*¤®§(§ شبـــكة ويــلان العـربـيـه §)§®¤*~ˆ°

**لافي مسند العنزي** · 28/02/12, (10:44 AM)

وين انت يالي ترغب البر بالحيل=نبغاء انتخاوى يم خضر الفياضي
شوفي بعيني يوم جتها الهماليل=كم روضت(ن) خضراء بها السيل فاضي
مشيته برجلي ماهو قايلاً قيل=العشب وجهه فوق والبرق ياضي
خزنتها بالقارمن للمقابيل=عن الضياع اليانوينا انتفاضي
اليوم هذا واقتها يارجاجيل=مافيه برد ولابدن الرماضي
جيبو الجيوب وحملو فوقها الشيل=الفرش والخيمه وكل الغراضي
يمشن جدي واظهورنا يمّة السهيل=والغرب هو واشرق بالاعتراضي
يازين منزلكم قبل حزّة الليل=في موقع(ن) غطاء الخضار البياضي
لوكان عادات السفر البهاذيل=كلاً مثل ماقيل مبسوط راضي 0

000000000000000000000000

تقبلو تحياتي

**معيض بن عريفج** · 28/02/12, (03:05 PM)

الله الله صح لساانك وبيض الله وجهك ومر يمي اخاويك يالذيب ترا

الاخلاق خربانه من البلد ومن الضجة نبي نهيجن بلنا راس مرقاب

تحياتي وتقديري لــــــــــــــــــــــكـــ

**سعود المسعودي** · 28/02/12, (05:31 PM)

الشاعر القدير//لافي مسند

صح لسانك جزله وانت جزل

وبيض الله وجهك على هالدرر ومثل ماقال بن عريفج

مرني وترى الجيب جاهز وولوازم البر

تحياتي للجميع

**محمد المالكي** · 28/02/12, (07:21 PM)

الشاعر / لافي مسند

تعايشت الجو بقرائتي من خلف شاشه ,, فـ صح لسانك
وبيتي ثاني لفه مع الاشاره , خذنا مع الاخوان / سعود ومعيض .

تحياتي المعطره .

**عبدالرحمن الجابري الحربي** · 28/02/12, (10:45 PM)

الشاعر / لافي العنزي ...

صح لسااانك ..

شوقتنا للبر وأنا أخوووك ...

تحياتي ..

**سالم العنزي** · 01/03/12, (03:07 PM)

صح لسانك يالافي وليتك تعطينا الاحداثيات والله انا نبي الفكه من هالزحام والغثى

تقبل مروري المتواضع

**سعد النفج** · 03/03/12, (10:43 PM)

صح لسنك و هذه الابيات مميزة من شاعر مميز ..
فعلاً موقف جميل و يغري الشاعر للكتابة ..
ملاحظة ربما يكون هناك خطأ
لوكان عادات السفر البهاذيل
ربما قصدت
لوكان عادات السفر للبهاذيل