لا يضيق صدرك يالشمالي على شيّ - °~*¤®§(§ شبـــكة ويــلان العـربـيـه §)§®¤*~ˆ°

**فــرج الدهمشي** · 17/02/12, (06:29 AM)

ابارك واهنّي الشاعر / خلف المشعان بمناسبة زواجه جعل الله زواج خير وبركه ورزقه الذريه الصالحه ...

لا ياخلف من جاء واللي بعد راح = لا يضيق صدرك يالشمالي على شيّ
لجل المحبه والغلا خاطري ساح = ياعزوة اللي فزعته تكفي الحيّ
يالكوكب الدري ياشمس الاصباح = ياسيفي اللي في يميني على ايديّ
كم ليلة ٍوالضيق في صدر الاشباح = ليت القصايد خففت واقعي ليّ
ورق القصيد اللي على دفتري ناح = يتبع ورى برق المشاعر يبي ميّ
يامزبن المضيوم في ليل الاجراح = يانخوة الفدعان يافزعة الخيّ
بعين الفرج شفتك وانا همي انزاح = وشلون اضيع وكوكبك بالسماء ضيّ
نجم الشمال ان بآن جذاب الارواح = لا يضيق صدرك يالشمالي على شيّ

**الحوراء بنت نجد** · 17/02/12, (09:38 AM)

فــرج الدهمشي

بارك الله للشاعر الرائع خلف المشعان في حياته الجديده

نسأل الله ان ينعم بالسعاده والتوفيق من العلي القدير

كلمات رائعه معبره ولمسات وفاء مشرفه من شاعرنا فــرج الدهمشي

صح الله لسانك0 تقديري لك

**سليمان مفضي العنزي** · 17/02/12, (01:29 PM)

مبروك زواج الشاعر خلف المشعان وبالرفاه والبنين

الشاعر فرج الدهشي صح لسانك واهلا بعودتك فقد اشتفنا لك كثير

اسجل اعجابي

**حمد الضوّي** · 17/02/12, (03:19 PM)

فرج الدهمشي

صح لسانك وبيض الله وجهك
والف شكر على الإتحاف

والف مبروك زواج الشاعر خلف المشعان ودامت أفراح الجميع

تحايا

**سعود المسعودي** · 17/02/12, (03:25 PM)

صح لسانك وعلئ شأنك

وتسلم يمناك على الرائعه

لاهنت يافرج

والف مبروك زواج الشاعر خلف المشعان ودامت أفراح الجميع

**سعد النفج** · 17/02/12, (07:09 PM)

صح لسانك ..
و نبارك للشاعر الرائع / خلف المشعان و أسأل الله له التوفيق في الدنيا و الآخرة ..
دمت بخير شاعرنا الراقي فرج الدهمشي ..

**محمد البويليد العنزي** · 17/02/12, (07:23 PM)

فرج الدهمشي

صح لسانك وبيض الله وجهك
قصيده جزله من شاعر جزل
كل الشكر لك
دمت بخير