اقــــصـــــر الــــمــــده

[غازي العايد]

اقــــصـــــر الــــمــــده

تـبـيـها افـراق نـتـفـارق تـبـيـها حـب حنا احباب=اهـم شـي انـت ويـش اللي عـلى خاطرك وتوده
اذا تـبـغـانـي اتـنـاسـى غـرامك واقـفـل الابواب=ابـبـعـد عـــن حـيـاتـك بـس لا تـرجـي ابـد رده
انـا طـبـعي اذا حـبيت احب ولا احسب احساب=واذا صـديـت مايـرضي شعوري فيك اي صده
طـبـيعـه مـن صغر سني غزتني والطبع غلاب=طـلـبـتـك لا تـقـول شـلون وبـاب الـسـالفه سـده
واذا ودك تـعـاتـبـنـي تـرى مـالك مجال اعتاب=انـا مـالـي ومـال اللـي طـغـا لـعـبـه عـلى جـده
انا ماطرد ورى منهو تباعد عن عيوني وغاب=ولالـي حـاجـتـن بـاللـي يـبـي يفرض علي وده
ولا تـجـتـاحـني كلمة عذول ولا تثور اعصاب=انـا تـقـدر تـقـول انـي بـشـر لـكـن مـحــد قــده
انـا مـثـلـي لـيـا اقـبـل لـقـى بـعـيـونـهم ترحاب=ويـطـمـع كــل مـن حـولـه يـقــدم بـاقـه وورده
اقـدر مـن يـقـدرنـي قـرايـب واصـدقا واجناب=واعـادي مـن يـعـاديني وازيد الصاع عن حده
انـا مـانـي مـثـل بـعض الخلايق حاسد وكذاب=هـذولا اللـي بــلا مـبـدا وكـلـن يـنـقـض بعهده
ولاني من وشا بالغير وقصده تفرقت اصحاب=ولانـي مـن زرع حـقده ولا من خان في وعده
عـزيـز وعــزتـي مـاهـمـها منهو وشا واغتاب=مــــدام الـراي مـلـكـي كـل واحــد رايـه بـيـده
تـبـي فـرقا تـبـي وصل ومحبه والا ذاك الباب=مـثـل مـاجـيت داخل روح طالع واقصر المده
غازي العايد

[حمد الضوّي]

الشاعر

غازي العايد


صح لسانك وإعتلى شانك
والف شكر على الإتحاف بارك الله فيك





تحايا

[عبدالرحمن الجابري الحربي]

غازي العايد ..

صح لسااانك على هذا النص الشااامخ ..

تقبل مروري وإعجاااابي ..

[سالم العنزي]

حضور جميل لشاعر قادم بقووه

غازي العابد صح لسانك وان شاء الله القادم اجمل

تقبل اعجابي وانتظر الجديد بشووووووق

[سليمان مفضي العنزي]

الشاعر : غازي العابد

اتشرف وافخر بمروري على هذه القصيده التي استمتعت بها ..

شكرا لك شاعرنا القدير على هذا الابداع اللغير مستغرب والحضور المميز ..

حضوري هنا بعد ان استمتعت بهذا النص هو لتسجيل اعجابي فأرجوا تقبله

[سعد النفج]

الله الله يا غازي العايد ..
قدومك كـ قدوم الغيث على أرض اشتاقت للإرتواء ..
صح لسانك على هذا النص الفاخر ..
دمت بود و ننتظر جديدك بشغف ..

[صالح الأسود الجعفري]

غازي العايد

صح السانك نص شامخ
دمت بخير