رد على الشاعر القدير عبدالمحسن الجلوي( شعرك كما طوق الذهب با الايادي)

[ابو غريب العبدلي]

قصيده متواضعه ردا على شاعر اعتبره من فحول الشعر واعتبره من الرجال الافياء
واصحاب الخلق والقيم الشاعر عبد المحسن الجلوي وكلي عذر على القصور والتاخير

واتمنى من الاخوان تنسيق القصائد مع الشكر لهم





قصيدة الشاعر القدير عبدالمحسن الجلوي

يابـو غـريـب العبـدلـي يالنـجـادي=النـاس تجمـع وانـت مالـك نهابـه
لــو انــت عـنـا منتـحـي بالـبـلادي=تجي مثل جي المطر بالسحابه
سـحـابـةً واثــنــوا عـلـيـهـا الـعـبــادي=اللي شرب واللي بروضه رعابه
يـقـداك بالامـجـاد والطـيـب قــادي=مـن شايـبـن روح ولا صــك بـابـه
عـسـاه فــي يــوم الـنـدا والـمـعـادي=فــــي يــــده الـيـمـنـى يـسـلــم كـتــابــه

رد متواضع على القصيدة

يامرحبا ترحيب ماله مدادي=يامرحبا با الشعر واللي سعى به
ترحيبة الطيب عريب الجدادي=لاجاه ضيفن قال يامرحبابه
صوت وصلني مثل صوت الرعادي=يهز وجدان الخفوق وسرابه
يا شاعرن ما يكتب الا الريادي=الروح تفدا حافظين القرابه
شعرك كما طوق الذهب با الايادي=مفتول فتل وكل رجلن يهابه
وانا على رب العباد اعتمادي=رزاق خلقه بين جحرن وغابه
والمال والدنيا تراها سمادي=ما ينفع المخلوق غير الانابه
وختامها مسكن مع شوي كادي=تهدا لرجلن خصني في كتابه


ابوغريب العبدلي

[هندي المقبل]

كفو والف نعم بالجميع

صح لسانك يابو غريب ولسان الشاعر الكبير والانسان القدير عبدالمحسن الجلوي

ماهو غريب الوفاء من اهل الوفاء والطيب فانتم منبع الطيب والوفاء

مرور لتسجيل الاعجاب فقط

[حمد الضوّي]

ابو غريب العبدلي

صح لسانك وإعتلى شانك رد وافي وكافي وانت تستاهل
بيض الله وجهك ولا يمدح إلا الطيب وأنت أفعالك تدل على طيبك
وطناخة راسك وحميتك لقبيلتك . وياليت نشاهد من رجال القبيله الاثرياء
أُناس يحذون حذوك وينهجون منهجك بارك الله لك بمالك واصلح الله لك ذريتك
وامد الله بعمرك . هكذا ينبغي أن يكون الرجال .. بيض الله وجهك حد الرضى


( يقول المتنبي )

عَلى قَدْرِ أهْلِ العَزْم تأتي العَزائِمُ=وَتأتي علَى قَدْرِ الكِرامِ المَكارمُ
وَتَعْظُمُ في عَينِ الصّغيرِ صغارُها=وَتَصْغُرُ في عَين العَظيمِ العَظائِمُ

وصح لسان الشاعر القدير/ عبدالمحسن الجلوي بيض الله وجهه
وأنت تستاهل أكثر




لك مني اجمل التحايا

[سالم العنزي]

صوت وصدى اروع لشاعرين كبيرين

صح لسانك يابو غريب وصح لسان الشاعر عبدالمحسن الجلوي

[صبيح العوض]

صـــــــــــح السان الشااعر القدير / عبدالمحسن الجلوي

وصح الله لسانك على الرد الجزل وانت يابو غريب تستاهل كل طيب نظرا لماقريته عنك وعن مواقفك المشرفه مع القبيله
لك مني جزيل الشكر والاحترام

[جايز المفوز]

مشكوووووور والله يعطيك الف عافيه

[ابو غريب العبدلي]

اقتباس:
المشاركة الأصلية كتبت بواسطة هندي المقبل
كفو والف نعم بالجميع

صح لسانك يابو غريب ولسان الشاعر الكبير والانسان القدير عبدالمحسن الجلوي

ماهو غريب الوفاء من اهل الوفاء والطيب فانتم منبع الطيب والوفاء

مرور لتسجيل الاعجاب فقط





صح بدنك يالغالي والوفاء هو انت يستاهل كل خير اخوي عبدالمحسن الجلوي كل خير وبيض الله وجه

محبك ابوغريب