خلايف ســــــــــــــليمان

[طالب الونيس]

سلطان شـب النـار وادن المهاديـف = اللي صنعهن ماهر الصنع رسـلان
صايغهن الرسلان ماصاغهاالسـيف = ثـلاثـة مــع نجـرهـن عـقـب جـــدان
احمـس ودق ولاتهـاب المصاريـف = واخترلهـا مــن منتـجـه واد خــولان
نشـريـه لـــو زادة علـيـنـا التكـالـيـف = ورزاقنا ربً فرض خمس الاركان
فنجالهـا يقطـع ظـرم راعـــي الكيـف = بالهيـل والمسمـار مـع وارد ايــران
ونبـي نوصـف كامليـن التواصـيـف = اهـل الفعايـل والجمايـل والاحـسـان
ربعي علـم معـروف من غيرتعريـف = ربعـي احمـول الخيـل خلفة سليـمان
يومنـهـا فــي دور غـــزو منـاكـيـف = بـيـن القبـايـل لابـتـي شـانـهـم شـان
اللـي غـزاء لديارهـم يرجـع معيـف = عاف الطمع واقفـا معيفـاً وخسـران
عقيـدهـم رجـــع كـثـيـر التحـاسـيـف = ويـقـول يالـيـت الــذي كــان مـاكـان
عـاداتـهـم مـنــزال قـفــراً اليـاخـيـف = مدلهـيـن الـخــور حـلــوات الالـبــان
الـلابــه الـلــي بـالـقـا تـاخــذ الـنـيـف = كسابـة النامـوس فـي يـوم الاكــوان
وقصيريـم محشـوم مايلحـقـه حـيـف = رمـيـح عــن بـــاق التمـاثـيـل كـفــان
اهل الرباع اللي بها يفـرح الضيـف = عقب هـلا يقلـط علـى قـرح الضـان
يتـلـون شيـخـاً مـنـزلـه بـالاطـاريـف = شيوخـاً قـدام وذكرهـم بالفـخـر زان
اخـوان ذكرمرويـة مرهـف السـيـف = زيـزومنا في يوم زوغات الاذهـــــان
والحمدلله جت على الشـف و الكيف = بـن سعـود محصـنً كــل الاوطـــــان

[حمد الضوّي]

الشاعر القدير

طالب الونيس

صح لسانك مليون ولايسدون ونعم فيك وفي ربعك
يستاهلون هذه الشامخه بيض الله وجهك حد الرضى
كثر الله من أمثالك





تحيه لشخصك الكريم

[هندي المقبل]

كفو والف نعم بمن اعتزيت بهم


طالب الونيس صح لسانك على هذه القصيده الجزله ..

مبدع دائما وجزل .. تقبل اعجابي

[سعود المسعودي]

كفو والف نعم بمن اعتزيت بهم

و

صح لسانك على هذه القصيده ..


تقبل تحياتي وتقديري



دمت كما تحب

[سراب نجد]

طالب الونيس

صح السانك وسلمت أناملك وسلمت كلك

على هذه القصيده الجزله والذي لا نستغربها

من شاعر بحجم طالب الونيس

وأنعم بك وبربعك هل الجدعاء

ويحق لك أن تفخر في ربعك

ويحق لكل رجل يفخر بربعه أنت وغيرك

لك مني جزيل الشكر والتقدير

[سالم صالح]

طالب الونيس ,,,

صح السانك وكفوا بيض الله وجهك على هالقصيدة المميزة ,,,,

ونعم اللابه وابيات في محلها فعل وطيب ,,,

تقديري

[جايز المفوز]

الشاعر

طالب الونيس

صح لسانك مليون ولايسدون ونعم فيك وفي ربعك
يستاهلون هذه الشامخه بيض الله وجهك حد الرضى
كثر الله من أمثالك





تحيه لشخصك الكريم