غيمة فكر

[مشعل التريباني]

بسم الله الرحمن الرحيم

الشاعر\ مشعل عسام التريباني الشمري

((غيمة فكر))

ياغيمة الفكرهلي واروي القاع سيـــل=وهاتي من الشعر مايتحف سموع الرجال
هلـّي بعذب القصيد اللي كما السلسبيل=واروي خصيب النفوس من القراح الزلال
البارحه قمت افكـّر بالزمان المهيــــل=وشلون بعض الاوادم يرغب الانحـــلال
يشبه لغصنن ليا هب الهوا به يميــــل=مع هوج الارياح تصفق به يمين وشمال
ناسن تخلـّت عن الشيمه ونهج الخليـل=والبسهم الغرب جلباب الخنا والظــــلال
تقليد الاعدى على الاسلام شيّن دخيـل=ماكان يعرف قبـــل تقليد تلك الهــــــزال
مايرغب الهزل ياكود الظمير العليـــل=اللي بشئم المعاصي داخل القلـــــب شال
اقرو تواريخكم ياقليـّلين الحصيـــــــــل=امجاد الاسلام دايــــم باقيه لاتـــــــــزال
اقرو تواريخ ناسن سوو المستحيــــــل=شهد لهم محكم التنزيل فـــي كل حـــــال
امثال خالد عدو الشرك سيفن صقيـــــل=اللي قطع دابر المشرك بحد الســــلال
سيف الله اللي على الكفار حدّهـ سليـــل=اللي برز في فعوله في نهـــــار القتال
في خدمت الدين باع الكثر واوى القليل=لانه يعرف ان نفسه مقتفيها الـــــزوال
والدايم الله والعالم مداهــــا الرحيـــــــل=اعرف ترى كل نفسن حدّها الارتحال
ياكبرها من مصيبه كان ضاع الدليــــل=مع جمع ناسن يحطون العدا راس مال
اقسمت باللي وسر بالليف عسب النخيل=اني عليكــم شفوق وصادقـــــن بالمقال
وازعل اليا شفت مسلم عن طريقه يعيل=لان البنا ياتفكــك صارفيـــــه اختـــلال
وازعل اليا شفت بالبنيان شيّن يميـــــــل=وش عاد لوهم يسمونـــي سريع انفعال
يالله يا المعتلي وانت القديـــــر الجليــــل=الطف بنا يااله الكــون يـاذا الجــــــلال
ياحسبي الله على الاعدى ونعم الوكيــــل=كم ضيعوا نفس مابيــــن الامل والمحال

[سراب نجد]

مشعل التريباني

صح السانك ملايين

قصيده شامخه بشموخ قايلها ورائعه من روائع مشعل التريباني الشاعر المعروف والشهير بالقصايد والروائع الشعريه والأبداع الغير مستغرب من شاعر متمكن بحجم مشعل وشهادتي في شعرك مجروحه

لك مني جزيل الشكر والتقدير

أخوك/ سراب نجد

[جايز المفوز]

الشاعر \ مشعل التريباني


بيض الله وجهك على الجزاله وختيرات المفردات الجزله


هاذى القصيد المطلوب الحقيقه يشمخ بقاريه الى القمه


صح السانك ولاعدمناك قصيده من الوزن الثقيل

لاتحرمنا جديدك امتعتناء الحقيقه


محبكم ابواريج

[فراج زايد]

شعر من صاحب جزاله وافيه صح لسانك

[مشعل التريباني]

اخواني الافاضل
سراب نجد
جايز المفوز
فراج زايد
شكرالكم جميعا على المرور والاطرى الله لايهينكم جميعا ايها الاوفياء شهاداتكم اعتبرها اوسمه لي الله يعافيكم

[حمد الضوّي]

الشاعر القدير

مشعل التريباني

صح لسانك مليون ولا يسدون قصيده متميزه بحبكها وسبكها ومضمونها
أخي مشعل أنت شاعر مبدع وراقي بأفكارك وبتوجهاتك وبأسلوبك المتفرد
والشاعر الذي يحمل هم أمته ومجتمعه يجب أن يصفق له وبحراره
اقف أحتراما ً وإجلالا ً لهذا النص الشامخ بشموخ كاتبه
وهنيئا ً لهذه الشبكة بوجود أمثالك
لافض فوك يامبدع

لك مني أجمل التحايا

[مشعل التريباني]

الاخ الفاضل احمد الضوي شكرالك على المرور وشكرالك على هذه الكلمات الذي تنعش الروح وتسر الشاعر ويشرفني ان اكون بين صفوفكم انتم الاوفياء وشهادتك اعتبرها وسام لي اضعه على صدري بيض الله وجهك اخي وكثر الله من امثالك فانا مدان لك ايها الشهم واسال الله ان اكون عندحسن الضن بي ان شالله تعالى