يمه رحلتي وباقي اليوم ذكراك

[عين المها]

يمه رحلتي وباقي اليوم ذكراك=ذكراك حيه ماتفارق خيالي
رحتي لربك جنة الخلد ملفاك=رحتي وأنابعدك وحيدة لحالي
رحتي تركتيني أدورك ماألقاك=وأصيح بأعلى الصوت ياعزتالي
فاتت ثمان سنين من يوم فرقاك=كنك رحلتي أمس بأدناألليالي
بطاك عني ماقفل باب رجواك=أرجيك ماهوشرك لاكن هباللي
من يوم غبتي صرت فاقد للأدراك=من دون شوفك حال قبرآهيالي
رجيت رب الكون يمسح خطاياك=وينزلك رب العرش منزال عالي
وأرجي عظيم الشان يمنحني أرضاك=وزولك بيبطي ياالحبيبة قبالي

وسلامتكم

[فراج زايد]

الله يبيحها ويغفر لها ويتجاوز عنها
وكل المسلمين والمسلمات

اختي ابيات فيها من الجمال النقي مايكفي
استدراك لـ وجود انسان له الفضل الكبير بعد الله عليك

الله يرزقك الرضى من ربك ومن والديك


صح لسانك وشاعره تستحقين الشكر

[عين المها]

أخي فراج زايدجزاك الله كل خيروالله يرحم والديناووالديك وتسلم على مرورك العاطر

[بندر السديري]

عين المهاا
الله يرحمها ويسكنها فسيح جناته
هي والمسلمين اجمعين
صح الساانك
ولاهنتي
تحيااتي

[سراب نجد]

المشاركة الأصلية كتبت بواسطة عين المها

يمه رحلتي وباقي اليوم ذكراك=ذكراك حيه ماتفارق خيالي
رحتي لربك جنة الخلد ملفاك=رحتي وأنابعدك وحيدة لحالي
رحتي تركتيني أدورك ماألقاك=وأصيح بأعلى الصوت ياعزتالي
فاتت ثمان سنين من يوم فرقاك=كنك رحلتي أمس بأدناألليالي
بطاك عني ماقفل باب رجواك=أرجيك ماهوشرك لاكن هباللي
من يوم غبتي صرت فاقد للأدراك=من دون شوفك حال قبرآهيالي
رجيت رب الكون يمسح خطاياك=وينزلك رب العرش منزال عالي
وأرجي عظيم الشان يمنحني أرضاك=وزولك بيبطي ياالحبيبة قبالي

وسلامتكم

عين المها صح السانك والله يرحم أمك وعموم المسلمين المؤمنين..أمين


عين المها الله يجبر لك عزاك=وهذا مصير الناس أول وتالي


واللي حصل يابنت تدبير مولاك=والعمر يمضي والليالي أطوالي


الله يغفر لموتانا وموتاك=ولكل مسلم حين وقت السؤالي


حكم القدر متبوع لو هو تحداك=وغير الصبر يابنت مامن مجالي


والصبر مفتاح الفرج لا عدمناك=ولوهي على الرغبات ماراح غالي


لله ما ياخذ ولله ما أعطاك=لا للجزع راضين في كل حالي


والمعذره وأن كان كدرت أنا أجواك=جاريت أنا كلمات بنت الرجالي


جعل الولي يابنت يحقق لك أمناك=ويستر عليك بعزته والجلالي


لك مني جزيل الشكر والتقدير

أخوك الصغير/ سراب نجد

[حمد الضوّي]

الشاعره القديره

عين المها

صح لسانك وإعتلى شانك على هذه المرثيه التي تحمل الكثير من عبارات الألم والحزن
فرج الله همك ورحم الله والدتك رحمة ٍ واسعه وإسكنها فسيح جناته
أبدعتي أخيه بارك الله فيك


الشاعر المتميز

سراب نجد


صح لسانك ولافض فوك مجاراة رائعه كروعة حضورك
أبدعتوا أنت والأخت عين المها
شعراء راقين





تحايا

[محمد البويليد العنزي]

الله يبيحها ويغفر لها ويتجاوز عنها
وكل المسلمين والمسلمات

اختي ابيات فيها من الجمال النقي مايكفي
استدراك لـ وجود انسان له الفضل الكبير بعد الله عليك

الله يرزقك الرضى من ربك ومن والديك


صح لسانك وشاعره تستحقين الشكر