دروووب النهاااايه

[غموض الشمال]

خلاص هذي هي دروب النهايه=اوصلتني لابوابها ثم رديت
ماعاد يجمعنا غرام البدايه=دون الرجوع احكمت بابي وصكيت
ارحل معك ضاعت سنيني كفايه=ويكفي بقلبي والمشاعر تسليت
هذا هو الموجز اليك الحكايه؟=قصة غرامك والشقا والتناهيت!
شيدت لك في وسط قلبي بنايه=من دون صك ولاتصاريح بنْيِت
وعليت مبناها وخارت قوايه=وتصدعت قدام عيني وقفيت
ماودي اشاهد وش آخر عنايه=هيار حلمي وضيعة اللي تمنيت
خلك بعيد ولاتسبب شقايه=شفني وانا باغيك وشلون سويت
جيتك غلا وابعدت لجلك غلايه=وادري بغيري لاهين به وفزيت
كنت احسبٍ مالك حبيبٍ سوايه=ابيه قربك وانت للقرب مليت
انكرت حبي قبل تنكرعطايه=ياصاحبي كل الاحاسيس شليت
غلطه ابوح لكل شي بخفايه=واكبر غلط صدق المشاعر لك اهديت
جيتك ادور وسط قلبك حمايه=واليوم من جورك لبعدك تحاميت
وامانتك لاتشك يوم بوفايه= ولا تركتك لجل غيرك وصديت

[ابراهيم السلمي]

يسعدني ان اكون اول من يتصفح هذه الدرة الثمنيه

صح لسانك شاعرتنا العزيزه

لك مني كل الود

اخوك

ابراهيم السلمي

[مشاعر شآمخه]

عزيزتي
ابيات بمنتهى الروعة
دام نبض قلبك وقلمك

[بندر السديري]

جيتك غلا وابعـدت لجلـك غلايـه=وادري بغيري لاهيـن بـه وفزيـت
كنت احسبٍ مالـك حبيـبٍ سوايـه=ابيه قربـك وانـت للقـرب مليـت

غموض الشمال

صح الساانك ياالغاليه

ابداع ياالشاعره
ولاهو غريب عليك هاالشي
تحيااتي

[صالح الأسود الجعفري]

غموض الشمال

صح السانك ع النص الشامخ
دمتي بخير

[حمد الضوّي]

غموض الشمال

من العايدين وكل عام وانتي بخير


صح لسانك وإعتلى شانك روائع جميله
كما تعودنا منك هذا الإبداع



تحايا

[خلف الغريب]

جيتـك ادور وسـط قلبـك حمايـه
واليوم من جورك لبعـدك تحاميـت
وامانتـك لاتشـك يــوم بوفـايـه
ولا تركتك لجـل غيـرك وصديـت


صح لسانك اختي غموض الشمال ومشاعر شفافة جدا وواضحة للعيان وهذا مما يميز الشعر ..

تحياتي لك ..