جمـر الحـزن

[بندر السديري]

عسى السحاب اللي على نجد همال=يسقي ثرى قبر(ن) به الجود مدفون
يمطر على ترابه من الجال للجال=ويسيل سيله عشرة ايام بالهون
قبر(ن) يضم معرّب الجد والخال=كف الندى شيخ الكرم وافي العون
ابو الضعوف اللي على خدها سال=دمع الفراق ومن ضحى السبت يبكون
وابو اليتامى والارامل لها ظلال=وابو مساكين(ن) من الحزن يشكون
سلطان ابو خالد له الدمع ينهال=تبكيه دوله والعرب به يعزون
فاحت على جمر الحزن صفة دلال=وشلون مافاحت من الحزن وشلون
شف خادم البيتين يبكيك مهتال=والشعب من فرقاك ياشيخ محزون
مات البناخي وحزني بفقده جلال=بندر عليه الحال من دون في دون
طاح الجبل لكن عوضنا به جبال=اخوان نوره لا بغيتو تعزوون
عساه باالجنه امير(ن) ونزال=وعساه ينعم بين انهار وغصون

[محمد دعسان]

الشاعر القدير /بندر السديري
رحم الله امير القلوب وعظم الله اجرك
مرثيه صادقه الحزن ينتثر منها
والله دررررررريابندر
تقبل مروري
الله يحفظك

[محمد الدلماني]

عسـاه باالجنـه اميـر(ن) ونـزال

وعساه ينعم بيـن انهـار وغصـون

صح لسانك ياخوي بندر على هذه المرثيه في الامير سلطان بن عبدالعزيز رحمه الله وغفر له

[سعود راجي الفريح]

اقتباس:
المشاركة الأصلية كتبت بواسطة بندر السديري

عسى السحاب اللي على نجد همال=يسقي ثرى قبر(ن) به الجود مدفون
يمطر على ترابه من الجال للجال=ويسيل سيله عشرة ايام بالهون
قبر(ن) يضم معرّب الجد والخال=كف الندى شيخ الكرم وافي العون
ابو الضعوف اللي على خدها سال=دمع الفراق ومن ضحى السبت يبكون
وابو اليتامى والارامل لها ظلال=وابو مساكين(ن) من الحزن يشكون
سلطان ابو خالد له الدمع ينهال=تبكيه دوله والعرب به يعزون
فاحت على جمر الحزن صفة دلال=وشلون مافاحت من الحزن وشلون
شف خادم البيتين يبكيك مهتال=والشعب من فرقاك ياشيخ محزون
مات البناخي وحزني بفقده جلال=بندر عليه الحال من دون في دون
طاح الجبل لكن عوضنا به جبال=اخوان نوره لا بغيتو تعزوون
عساه باالجنه امير(ن) ونزال=وعساه ينعم بين انهار وغصون

فاحت على جمر الحزن صفة دلال
احسن يابندر السديري
اابداااااااااااع لايستغرب من شاعر بحجمك
بيض الله وجهك
وصح لسانك مليون
سجل اعجابي

[بروق الشمال]

لا عزا لنا بسلطان
سلطان القلوب
سلطان الايتام
سلطان الخير

كيف ولا والابتسامه لاتفارق محياه
اللهم اجعل قبره روضه من رياض الجنه
ورحمه رحمه واسعه
فخبر هز البعيد
كيف بنا نحنوا ابنائه

مبدع اخوي بندر
قصيده تنزف من نزف قلب شاعرها
الله يجعلها اخر الاحزان على الشعب السعودي كافه
تقبل مروري لمتصفحك العطر بعطر شخصك
اختك بروق

[احساس قلم]

عسـاه باالجنـه اميـر(ن) ونـزال=وعساه ينعم بيـن انهـار وغصـون

الله يجبر مصابنا جميعا ويعوضنا في ابو خالد خير
ويطولنا بعّمار اخوان نورة
بندر السديري صح لسااانك
على هالمرثيه

[مشاعر شآمخه]

سلطان الخير
ستبقى ذكراه في قلوبنا
بندرالسديري
قصيدة تسطرة فيها
اروع معاني الأبداع
نزف قلم مميز وهذا شيء ليس بمستغرب على قلمك الراقي
دمت نجم يضيء في سماء ويلان