الحــزن ثـوب !! ولكن الجـرح خـآمـه - °~*¤®§(§ شبـــكة ويــلان العـربـيـه §)§®¤*~ˆ°

**سعود الخلف** · 22/10/11, (09:45 AM)

" مجرد .. بعثره "

مدخـل ،،

أمسيت ليلي " لاأتضايق ولاأضيق "
وأصبحت صبحي من عنا الوقت ضايق

الوضع مايحتاج ياقلبي ،، تدقيق
ساعه حزن عاشت " بفرح الدقايق "

والضيقه اللي باغتتني على الريق
تقفي وتقبل لاشافت البال رايـق

*

الحـزن ثوب ولكن الجرح خامـه
........................ تفصلـه مـن طعـن يـمـنى مـداويـك

والفـرح شرهـه والأمـل له حـزامـه
........................ ياقلب خابت شرهتك مع هقاويك

الدمـع طفل أبـدى لحـزنـي أحترامـه
........................ ياعيني هلي الدمع وفلي الشبابيك

والحـظ مكتـوب القـدر بـه عـلامـه
........................ لعبـة قـدر والحـظ منها بـ يعطيـك

والصـدق صوت الحـق يزعـل كـلامـه
........................ والكـذب عـزفٍ والبشر فيه تغويـك

هبت هبُـوب الضيـق وهـذا سلامـه
........................ وهـذا أعترافـه جـرح ينـزف يحاكيـك

هـمٍ وغـم ، وضيـق صـدر ، وملامـه
........................ تصبـح وتمسـي بصـدري لاحـل طاريك

مخـرج ،،

ماهي تحاليل مهستراً" للمسأله حـل
أدري تموت ولاتجي تطعن قفـايـه

فلّ الحجاج أبتسم ياصاحبي فـل
وأتـرك لي همـوم ليلـي وشقايـه

غيمه تخيل بروقها لابُـد تنهـل
وتسقي ضوامي الأسئلـه لـ" النهايـه

**بدرفهد الجعفري** · 22/10/11, (11:23 PM)

رغم كمية الحزن الكبيره بهذه القصيده الا انها مميزه

شكرا لك وصح لسانك شاعرنا القدير

**سعد النفج** · 23/10/11, (12:16 AM)

صح لسانك أخي سعود الخلف ..
ابيات رائعه و فيها صور جمالية مميزة ..
صح لسانك و بانتظار الجديد الأجمل ..
دمت بخير ..

**أم أسماء** · 23/10/11, (02:56 AM)

الحـزن ثوب ولكن الجرح خامـه
........................ تفصلـه مـن طعـن يـمـنى مـداويـك

هذا البيت لوحده قصيده

يعطيك العافيه وصح لسانك

**سالم العنزي** · 23/10/11, (12:32 PM)

الشاعر القدير سعود الخلف

صح لسانك على هذه الابيات الجميله والمميزه

تقبل اعجابي

**محمد دعسان** · 23/10/11, (05:34 PM)

الشاعر سعود الخلف
صح السانك
جزله من جزل
تقبل مروري
الله يحفظك

**سعود الخلف** · 23/10/11, (11:35 PM)

بـدر فهـد الجـعـفري

هـلابك يالبناخي .. حياك الله
وصح بدنـك طال عـمرك .. سعيـد بتواجـدك

وكل الشكر لـ حضورك الراقي
لك التحيـه والتـقدير