بسم الله الرحمن الرحيم
قلتها//////////////// بالواء الطيار الركن / محمد العتيبي
واقول بيض الله وجه /صحيح المواقف مالها الا اهلها
سلام الله على محمد ولد صالح ابو سلطان
سلام يبتدي بالعز والنوماس والطيبه
ابسج القدم يم العتيبي عزوة العتبان
وانا في ذمتي ماجيه لو ماهو من عتيبه
تعلمت الوفا من طبع ابوك ومنهج الجدان
لهم هده لهم نخوه لهم فزعه لهم هيبه
الا يامزبن اللي من زمانه ضايقن بلشان
تكالت به همومه والزمان الشين يوميبه
ولا يامزبن المضيوم ياصكوبه العدوان
وقع سيفه بوجه القوم قبل السيف يدليبه
نخيتك يالعتيبي مانخيت فلان ولا فلان
تجنبت الوجيه الخيبه ياملها الخيبه
يقولون المثل ماكل رامي يجدع النيشان
ولاكن انت ياهدفت لنيشان بتصيبه
يمينك بالجزاله والعداله منبع الاحسان
وعلمك بالوفا والطيب قبل اجيك نوحيبه
شجاع وكلمتك ياقلتها ماتنقص الميزان
لها يحسب حساب ويحتمى الموضوع تمشيبه
صداها يبتدى من قو باسك هزت البنيان
تبي تمشي على اطلق شنب وبليس تخزيبه
عتيبي مانلومك لابتك عند اللقا شجعان
عتيبه كل ميقاف تصبحبه وتمسيبه
وانا جيتك مثل ماقيل والقصه لها عنوان
ماهو عشق بقصيدي لاكن الغابه عوى ذيبه
كتمت السالفه لاشك طالت مابها كتمان
وزعلت وقلت وضعي يالعتيبي غير تدريبه
وقفلي ثور واحد وزعلت من شانه الثيران
ولا يابلشي بالثور يامطول عراقيبه
اثر بعض الرتب فيها على بعض العرب نقصان
وجيهن مابها ذمه وامانه عيد ترتيبه
خساره يالنجوم اللامعه من بين هالتيجان
حملها اللي يعيش الوقت بين الشك والريبه
تعرف العنصريه في بلدنا مالها مسكان
اخو نوره بسيفه قصها لاعاد تحكيبه
نعيش اخوان في هذا البلد حتى نموت اخوان
ونعمل كلنا لجل الوطن والشرع نمشيبه
وذا تنشد انا من وين انا من عزوة الويلان
نضمت القاف يمك يالعتيبي عزوة عتيبه
وسلامتكم
18/10/11, (03:22 PM)
خساره يالنجوم
العرض العادي
