قصيدة هاني التويجري

[صالح الأسود الجعفري]

لاصار طيب الناس هالوقت غايب ..........والشاطرَ اللي قرصته قرصة الدّاب ولا صار قلبي في هقاويه خايب ..........هاجر حبيبه دون توديع واسباب ولا صرت بالدنيا اشوف العجايب ..........مايْعيش فيها غير خاين وِ كذاب ولا صرت انا ابكي والجوارح عطايب ..........واللي علَي يبكي..اذا غبت يغتاب ولاصرت انا والهمّ مثل القرايب ..........والوقت يجبرني على غير ماطاب لا تسئليني ليه دمعي سكايب ..........غصبٍ علي دمعي على الخد سكّاب ابكي من جروحٍ سببها الحبايب ..........ما ابْكي من جروحٍ تجيني من اغراب يانفس انا من دنيتي صرت طايب ..........والروح لا طابت تبي تقفل الباب والروح ماتقفل منَ اتفه سبايب ..........الروح تقفل..من سبب جرح الاحباب واليوم انا راسي من الحمْلِ شايب ..........والمشكله بالعمْر انا توني شاب لكن انا يانفس رغْم المصايب ..........اضحك واجامل وافتح القلب ترحاب ورغْم الاذى..انسى والبي طلايب ..........وضاع العمُر مابين طالب وطللاب مهما انجرح..قلبي وسيع الرحايب ..........ارجع واسامحهم منَ شْويّة عْتاب ومااندم على طيبي ولو كان عايب ..........الطيب طبع القلب والطبع غللاب الطيب صار بْهالزمن له ضرايب ..........بدفعها وافتح (بوك قلبي) بلاحْساب هذا نصيبي والعمر له نوايب ..........دنيا كتبها الله على العبد بكتاب الواحد الرحمان جزل الوهايب ..........هو عالمٍ باللي خفى وسط الالباب وارجيه رحمه في زمان العجايب ..........ويرحم صويبٍ من عنا الوقت منصاب هذا جوابي لو سؤالك هبايب ..........هبت على عيني وبدى الدمع ينساب

للشاعر/ هاني التويجري

[دموع انثى]

تسلم اخي على هذا النقل الرائع

[صالح الأسود الجعفري]

دموع انثى
شكراً لردك ومرورك اسعدني
دمتي بخير

[سالم العنزي]

اختيار جميل شكرا لك

[فارس مهل المهيدي]

لله درك ياهاني قصيده اروع من الرائع والله يعطيك العافيه على النقل الطيب وننتظر الجديد . تقبل مروري,,, تحياتي

[صالح الأسود الجعفري]

سالم العنزي
شكراً لردك ومرورك اسعدني
دمت بخير

[صالح الأسود الجعفري]

فارس مهل
شكراً لردك ومرورك اسعدني
دمت بخير