اليا تفرقنا ترى شمسنا تغيب //// واليا توحدنا ترانا رقينا ..!!!

[هزاع الساري]

قصيدتي بمناسبة فوز مرشحين قبيلة عنزه في الانتخابات البلديه في الرياض الاستاذ عبدالرزاق العنتر العنزي وفي الخفجي الاستاذ خالد بن شحاذه العنزي

وقمت بالقائها في الحفل الذي اقيم بهذه المناسبه في الرياض يوم الجمعة

سلام منـي مـع تحيـة وترحيـب=وبأسـم الله الرحمـن ربـي بدينـا
اهلاً هـلا بضيوفنـا والمعازيـب=ويا الله على جزل الكـلام تهدينـا
لي هقوة بعيـال وايـل ولا تخيـب=اللابـه اللـي بالمواقـف تبيـنـا
رديهم وقـت الشدايـد ردي ذيـب=ورجالهـم دايـم تصيـد الثميـنـا
البارحـه فزنـا بخيـر الاساليـب=بعنـا التفـرق و التكاتـف شرينـا
بالعاصمه فزنا على كـل ترتيـب=صرح الفخر بيـن القبايـل بنينـا
يستاهل العنتر نعـم مابهـا ريـب=له فزعـة ًمبطـي وحقـه علينـا
وفي ديرة الخفجي تشوف الاعاجيب=اهل الوفا واهـل المراجـل لقينـا
يوم ٍ توحدنا علـى راي ٍ مصيـب=وتعاهـد الويـلان عهـد ٍ متيـنـا
خالد تعلى فـوق عالـي المراقيـب=نسل المهيد اللـي علومـه تجينـا
صكوبه الويـلان كسابـة الطيـب=واسمه الاول فـوق غيـره قرينـا
ولاهان منهو بالمهمات مـا يغيـب=هـذاك ابـو راكـان ذرب اليمينـا
سعود لا عدوا رجـال المواجيـب=اسمه شمـخ بالمجـد علمـا ًيقينـا
ما هو قصور ٍفي جميع الاصاحيب=لأهل الوفا والطيـب نرفـع يدينـا
ويبقـى ولانـا دايمـا ً للمعازيـب=اللـي غلاهـم دايمـا ً يحتويـنـا
حنا سيوف ٍ لابو متعـب محاديـب=نـردع بكفـه زمـرة العابثيـنـا
دون الوطن نرخص جميع المكاسيب=وحب الوطن واجب وفرض علينـا
بختامها بيـت ٍ ولا عنـه تجنيـب=درس ٍ يقولونـه لـنـا الاوليـنـا
اليا تفرقنـا تـرى شمسنـا تغيـب=واليـا توحدنـا تـرانـا رقيـنـا

هزاع بن ليلي الساري

[محمد دعسان]

اخي هزاع الساري
صح السانك انت راعي طيب وواجب
جت جزله من راس جزل
تقبل مروري الله يحفظك

[تركي صالح]

الاخ القدير الشاعر / هزاع الساري

صح لسانك على هذه القصيده

وهذا الابداع لايستغرب منك

فدائماً تتميز بما تقدم

والف مبروك للفائزين

وتقبل خالص التحايا

[محمد البويليد العنزي]

اخي هزاع الساري
صح السانك انت راعي طيب وواجب
جت جزله من راس جزل
تقبل مروري الله يحفظك

[عاشق البداوه]

هزاع الساري

صح لسانك قصيده جزله من شاعر جزل
بيض الله وجهك

[سليمان مفضي العنزي]

فعلا الجمعه عز

صح لسانك ياهزاع على هذه القصيده والمشاركه الطيبه

تقبل اعجابي

[سالم صالح]

الراقي / هزاع الساري

صح السانك راقي دائما وجزل والف الف مبرووووووك للفائزين ويستاهلون

تقديري وودي