على صدفة الشارع...

[عبدالمحسن الجلوي]

على صدفة الشارع وذكرى زمانن طاف = تهيض الاماني في هك الحي واطرافه
على بيتنا المبطي وجيراننا الاشراف =على اول سنين العمر بالبيت واكنافه
على شبة الجهمه بديوان ابو نواف = وصالح عشير الضيف يالربع من شافه!
تفرق نزل ناسا لهم بالعلا مشراف = على راس تل الطيب والعز وقّافه
تذكرتهم واركى على روحي الخفخاف = كأن الليال الماضيه حلم وخرافه
حذفني خيالي آه يا مبعد المحذاف= على موقفا قامت تزاحم بي اطيافه
بقصة غلا واحلى من الما بيد غرّاف = رشف من قراحه يوم موت العطش لافه
بقى في فؤادي حي يوم السنين عجاف = يرش الحنايا نو غيمه ورفرافه
ماكنت احسبنه يوم يذبحني الميقاف = على منزلا من قبل هاليوم ماعافه
هجرت المدينة مطلبا ديرة الاسلاف = على مرقبا مشهور علوه ومشرافه
يهب النسيم اللي به الشوق لي زفاف = ويذكي بروحي شعلة الولف واسرافه
مضى في سبيله والهوا كذبة العراف = تصيب وتخيب بنعمة الحظ وانصافه
اراقب طيورا بالسما تبعد الرفراف = تغيب بسماها بالجناحين ضفافه
احس ان قلبي يوم غابن عن الاشواف = تعلق بمخلب نسرهن حدر خطافه
يرد النظر للعين بالحزن والانكاف = وطعنات جرحا طول الايام نزافه
سقى الله زمانن فايتن ماعلي خلاف = مزوحا ورجلي للمسايير دلاّفه
دهاني زماني والليالي بها الاتلاف = نحت قلبي المجروح عن غالي اهدافه
ليالن مضت ماردها دمعي الذراف = عليها التوجد كل ماهب ...هفهافه

[طيف القصيد]

حذفني خيالي آه يـا مبعـد المحـذاف
على موقفا قامت تزاحـم بـي اطيافـه
بقصة غلا واحلى من الما بيد غـرّاف
رشف من قراحه يوم موت العطش لافه


ياسلااام عليك اخوي عبدالمحسن
صح لسانك حتى الرضى قصيده جميله معبره

ابحرنا معك بين ابياتها الجزله المتفرده بمعانيها
ابيات وفيه من شاعر لاشك بانه وفي لذكرى خالده في نفسه

كل الشكر ادامك الله وابقاك

اغلى التحايا

[سعد النفج]

الشاعر الراقي و صاحب المفرده الجميلة عبالمحسن الجلوي
صح لسانك ملايين على هذا النص الجميل ..
استرجاع لذكريات سابقة بأطلالها و شخصياتها ..
استرسال جميل و مميز ..
لله درك و دمت بود

[بنت الكحيلا]

ابدعت اخوي عبدالمحسن الجلوي

والله يعطيك العافية على البوح الجميل والراقي

صح لسانك وبارك الله فيك


لك كل الشكر

[مشهور الرشدان]

الشاعر القدير/ عبد المحسن الجلوي
صح لسانك وعتلا شانك على هذه المنظومه
الرائعه وليس غريب عليكم يا ال جلوي هذه الابداع
فانتم اهل الشعر تحياتي لك / مشهور الهويدي

[عبدالمحسن الجلوي]

اقتباس:
المشاركة الأصلية كتبت بواسطة ام فيصل
حذفني خيالي آه يـا مبعـد المحـذاف
على موقفا قامت تزاحـم بـي اطيافـه
بقصة غلا واحلى من الما بيد غـرّاف
رشف من قراحه يوم موت العطش لافه


ياسلااام عليك اخوي عبدالمحسن
صح لسانك حتى الرضى قصيده جميله معبره

ابحرنا معك بين ابياتها الجزله المتفرده بمعانيها
ابيات وفيه من شاعر لاشك بانه وفي لذكرى خالده في نفسه

كل الشكر ادامك الله وابقاك


اغلى التحايا
الشاعرة ام فيصل بيض الله وجهك على كلماتك الرائعة ... اشكر لك مرورك العطر...

[عبدالمحسن الجلوي]

اقتباس:
المشاركة الأصلية كتبت بواسطة سعد النفج
الشاعر الراقي و صاحب المفرده الجميلة عبالمحسن الجلوي
صح لسانك ملايين على هذا النص الجميل ..
استرجاع لذكريات سابقة بأطلالها و شخصياتها ..
استرسال جميل و مميز ..

لله درك و دمت بود
الشاعر الجميل سعد النفج صح بدنك وبيض الله وجهك ..اشكرمرورك الذي اضاء به متصفحي ... دمت بود..