مساجله ترفيهيه دفاعيه لكم مع التحيه

[لافي مسند العنزي]

[quote=لافي مسند العنزي;108963]تسلم يابو صالح على ماكتبت لنا من اسرار قديمه
ومافيه مانع ان تكون جديده انت لايزال شاب والقلب لايشيب
زدنا شعرا لاتبخل علينا طبعك الجود والكرم 0 لك اجمل تحياتي
________________________________________________

ماتقرئونه اعلاه هو رد الاخ العزيز لافي مسند
على قصيده غزليه قديمه نشرتها مؤخراً ويقول
مافيه مانع ان تكون جديده يعني كأنه يقول مافيه
مانع ان تعشق بالوقت الحالي
واقول


يابو عطالله بين الشــيب بـالــراس
وانكفت عن طرد البني الـرعـابيب
اخـذت مـع غـي الـغـنادير مرواس
يوم الصبا والعشق مابه عـذاريـب
ياماقطعت من الفرج تقل عســاس
نوباً نروح ونوب نرســل مـنـاديــــب
والـحـمـدلـلـه مـاوطـيـنـا بالادنـاس
يعلم خـفـانـا عـالـم السـر والـغـيـب
واليوم شـبت وكـل سناً له الـبـاس
ولايستوي طرد الرعابـيـب والشيب
وان شفت عوداً عاشقاً قول ماباس
ليته يجيب العـود بعض المـطالـيـب





مظاهره سلميه امام اخي العزيز طالب الونيس وارجو ان لايستخدم القوه المفرطه ظدنا // وقلت 0




ياطالب بن ونيس ياطيب الساس / يامسندي حب العذارى ماهو عيب

حب انساءموجود من خلقت الناس / الله جعلهن من كبار المطاليب

حب الشرف راعيه مايخضع الراس / يمشي على طوله ولارده الشيب

وللاردى راعيه يمشي تدساس / لون شعره مثل ريش الغرابيب

الكبر مايمنع عن الصيد قرناس / كم صيدت(ن)جزله رمتها المخاليب


الشيب ماهو رمز ينذر بالافلاس / رمز الوقار ويعطي الرجل تهذيب

كم شائب(ن) لوح على ظهور الافراس / عسف امهار(ن) شاردات(ن) مصاعيب

كم من هنوف(ن) عندها عرف باراس / اختارت الشائب كثير التجاريب

محاسن الشيبان واجد بلاقياس / حتى شباب اليوم يشملهم الشيب

وانته لنا تمثل وقدوه ونبراس / محشوم ماتاطى مواطي هل العيب

لاكن كلامك حط بالفكر وسواس / تقل تبينا نترك الجم وانهيب

الناس تشرب بالمكائن وغطاس / وحنا تبينا نترك الورد ياذيب

خلاك حبيب ولاتشوش على الناس / الصيد واجد والجوازي محاديب

اقبل تحياتي وحبي ولاباس / مع شخصك الوافي تجوز التعاجيب 0

000000000000000000000000

[سعد النفج]

صحت السنتكم شعراء مميزين ..
تذكرت ابيات سابقه لي :
الشيب ما به عيب يا بنت و ادناس
قدر الرجال و شيمة اهل الوداعه
الشيب زينه حطه الله للاجناس
بروس العباد مركزن في شعاعه
شعاع شيب(ن) مثل مالمع الالماس
و الماس غاالي ما هو ايت بضاعه

.
استمتعت بهذه الابيات و الله يعطيكم العافيه ..

[بنت الكحيلا]

صحت السنتكم

صوت وصدى في قمة الروعه

الله يعطيكم العافية على هذا الإبداع

لكم كل الشكر

[مشهور الرشدان]

صح لسانكم جميعاً ايها الشيبان المبدعين

[صالح الأسود الجعفري]

لافي مسند
صح السنتكم جميعاً
دمتم بخير

[بدرفهد الجعفري]

ياسلام عليكم

حينما يجتمع شاعرين بحجم طالب الونيس ولافي مسند فلن نرضى بأقل من هذا الابداع

صح الله السنتكم واتحفونا بكل ماهو جديد

[عبدالرحمن الجابري الحربي]

الشاعر لافي المسند والشاعر طالب الونيس ...

صح ألسنتكم جميع ... ويعطيكم العافية ...

احترامي لكما ...