في ذمتي مابعدها خلقت انسانه

[سعود راجي الفريح]

يادرة البحر يالوله ومرجانه= يالدرة بالبحر سبحان خالقها
سبحان ياخالق المخلوق سبحانه=جلا جلاله عضيم الشان نفقها
نزل عليها الجمال الله بوجدانه=وخذت من الزين لين الزين طوقها
لو شافها شيخ قاضي هاضت شجانه=ليحاول الشيخ لين انه ايصادقها
ليقفل المحكه كله على شانه =ومن وين ماوجهت معها ايلاحقها
البنت يالعن ابوها حيل فتانه=نوب تشد العباه ونوب تصلقها
شيهانة الغيد كان للغيد شيهانه=تقل على كيفه العاشق منسقها
في ذمتي مابعدها خلقت انسانه=بالزين والعين والوقفه ومنطقها
عيونها من الدلع بتقول سهرانه=تقل السهر له ثلاث ايام مرهقها
اليرتفع رمش عينه قلت خدرانه=ولياضحكت مابها شين يضايقها
من بعدها الغيد والله مالها الخانه=فدوه لها الغيد لو شبت حرايقها
الارض تسمو بها وتغير وديانه=حتى الهواء يوم قفت قام يطرقها
الله خلقها دواء للقب واحزانه=يعيش من جابها ويلعن مطلقها
ياليت ابويه لبوها من حدى اخوانه=ولا على اقل حاجه من رفايقها
ماهي من اهل تبوك وحي سلطانه=ولاهي من اهل البلد يالله توفقها
جت بالبلد زايره من شان جدانه=البنت تصدق ومعطتني حقايقها
وقفت في جنبها متني على متانه=وقمت ارتجف كلمتي وزريت لنطقها
سجلت جوالها واخذت عنوانه=وعلميبها بالشبح قفت بسايقها

[سالم صالح]

سعود الراجي ,,

صح السانك ابيات جميلة ومميزة من شاعر مبدع ,,

تقديري لك

[عاشق البداوه]

صح القصيده ومن قيلة من السانه-- صوغ القوافي ومعناها مطبقها
سلم فكرك يالغالي
حفضك الله

[هندي المقبل]

مادام سجلت الجوال واخذت العنوان الامور زينه هههههههه

الله عليك على هذا الوصف اللي يخلي الشايب يرجع ولد , حتى قصيدتك هذه فتنه تفتن القاريء مثل مافتنتك هذه الجميله

صح لسانك واستمر فأنت مبدع بلا حدود

[سالم العنزي]

عزالله انه مثل ماقال ابو سيف هذه القصيده فتنه لمحبي الشعر ولمن قلبهم به شوية خضار

صح لسانك ياسعود وكثر لنا من هالنوعيه من الشعر <<<< قلبه خضر المسكين


ابداع شكرا لك وصح لسانك

[سعود راجي الفريح]

اقتباس:
المشاركة الأصلية كتبت بواسطة سالم صالح
سعود الراجي ,,

صح السانك ابيات جميلة ومميزة من شاعر مبدع ,,

تقديري لك

هلااااااااااااااا وغلا استاذي
سالم صالح
وصح بدنك
ويشرفني مرورك طال عمرك
بس القصيده انحذف منها مدري وين راح الضاهر بسلت المهملات
يادرة البحر يالوله ومرجانه=يادرة بالبحر سبحان خالقها

[هندي المقبل]

هلا اخوي سعود

الظاهر انا اللي حذفت البيت بالغلط لاني قمت بتنسيقها وشكل البيت انحذف

وين مكان البيت احتى اضعه في مكانه وآسف للخطاء اللغير مقصود