الله يامقساك ياعصر الاثنين=زودت فيني كل هم وكأبه
وبيحت من جوفي لناس بعيدين=مالي بهم صله نسب او قرابه
وهليت دمع كان مخزون بالعين=وحسرة الم زادت بقلبي صوابه
لاماعرفها لاكن المنطق الزين=جمع مابين قلوبنا في تشابه
الي قرى اشعارها حس بثنين=احساس راقي مع ادب مع ذرابه
الموت حق وكلنا له مواتين=ولافيه حي الا ويدخل ببابه
مستوره وكنتي على البنت تبكين=يوم الزمن قفى بمي وغدى به
طفله غدت مثل الزهر بالبساتين=طير من طيورالجنان المثابه
من بعد فرقاها بدعتي دواوين=وخلدتي الذكرى سطور وكتابه
لاكن خذاك الي خذاها من اسنين=قضى العمروالوقت ماحدن درى به
رحماك يالي خالق الناس من طين=على شباب راح لاواسفا به
يارب مستوره غدت بين لحدين=يارب تجعل قبرها في رحابه
يارب عوضها الاهل والقريبين=يارب ثبتها بوقت الاجابه
وصبراهلها عقب فرقى المحبين=وعظم لهم بالاجروياالمثابه
ولزوجها يارب صبرن وتطمين=يوم الفراق افنى الغلا في شبابه
الى جنان الخلد روض وبساتين=وقبرن كمالريحان نثرة ترابه
اليوم نبكيها ولنا ناس باكين=لامن وطانا الموت وابلج بنابه
وسخر لنا من قلب الاحباب داعين=ودعواتنا ياعلها مستاجبه
مي ابنة الشاعره توفيت وهي طفله وياما كتبت عنها من اجمل الاشعار
دعواتكم لهن بالرحمه ولي ولكم ايضا فرحمة المولى وسعت كل شئ
احياء واموات ولعامة المسلمين ومواتاهم اجمعين
اللهم امين