الغلا لاحتل قلب المولع يالحبيب

[معيض بن عريفج]

الغلا لاحتل قلب المولع يالحبيب = وانتشر بين المحاني وخيم وسكنه
والله انه مايحصل علاج ولاطبيب = لويلف العالم الناميه مائة سنه
والعلاج اللي يشافي ومفعوله عجيب = البدروالثلج والجمرتين الملسنه
في طرف ليل(ن) بعدوقت من وقت المغيب = فوق روض(ن)نبته الورد والعنبر منه
وسلسبيل(ن)يشفي القلب والجرح العطيب = وغنت اهاات الحناجر لروس الالسنه
وكل واحد فاق و ان فاق مايبطي يغيب = وثم غاب وفاق واختم الاخر وحضنه
داخلين بجو صحوة سكر جو(ن) عجيب = وغيمت سحب الغلا لين اروت موطنه
يشوف كل الشعب تحته مثل طي القليب = والسحابه تحت تشبه بخور المدخنه
معتلي سطح القمر لاحسيب ولارقيب = ولايشوف من السماء غير كبر الميذنه
والا انا ابا اواسي القلب والوم النصيب = يوم قصر عن خيار المهار المحصنه
ان بغيت انساة مقدر وميصاله صعيب = وشوفتي له مستحيله ولاهي ممكنه
مثل حب الكوع اللي صعيب وهو قريب = مار ليته كوع اقل شي اتعينه
بس ابا املا العين من شوف زول العندليب = وغيرها ماريد سيه ولاريد حسنه
واتنازل عن مطاليبي ولالي طليب = لوبخنجر حبه القلب سما وطعنه
مسامحه والله يحرسه عن عيون الغضيب = لان هذا الجرح جرحي وانا اسوق ثمنه
لايتدخل في حياتي بعيد ولاقريب = وان لقا جثماني اللي عذل لايدفنه