ماحب أعيش الحب وأسهـر لياليـه - °~*¤®§(§ شبـــكة ويــلان العـربـيـه §)§®¤*~ˆ°

**محمد خلف الزايدي** · 20/07/11, (02:50 PM)

ماقلت لك : قلبي متاهـات وأسـرار
لو تسكنه بتضيع في وسـط خافيـه

ماقلت لك : إني أنا مثـل الأحـرار
ماحب أقيّد شخص وأرحـل وأخلّيـه

ماقلت لك ياشمعـةٍ ضـوّت الـدار
ماحب أشوف الضو وأرجـع أطفّيـه

انتا كما الشمعـه تداريـك الأسـوار
وأنا الهبوب البـارده مـن حواليـه

أنتا كما الضحكه على شفات الاصغار
وأنا الدموع _وضيقة البال_ والتيـه

خل الهموم اللي بصدري كما النـار
وإرحل وخذ قلبـك بليـا مشاريـه

تكفيني جـروح الليالـي والأقـدار
لو جيت أشبّهلك تضيـع التشابيـه

صمتي غريب وفيه العقـول تحتـار
ولو زاد دمعي اعرف شلون أداريـه

عندي هواية فلسفـة نـاس شطـار
تعرف تفـر عقـول عذالهـا فيـه

وياكثرهم حبو وفـي حبهـم صـار
أشيا كثيـره _ ذكرهـا مالنـا فيـه

ماتسمع أصوات الوجع تجهر إجهار
ماحصّلو غيـر الألـم مـن بلاويـه

لوني سلكت دروبهـم جـد بنهـار
مالي ومال الحب _ماقـدر أجاريـه

أنا كذا لـو كانـت همومـي إكثـار
ماحب أعيش الحب وأسهـر لياليـه

دامي بقلبـك لـي معـزه ومقـدار
أكيد تقبل عذري أن جيـت أبحكيـه

عشت بزمانـي ياولـد كـل الأدوار
إلا الحبيبه دورهـا صعـب أسويـه

برحل وشعري خلّـه اليـوم تذكـار
برحل ولا تسأل متى؟ برحل وليـه؟

قلبك معـك /لا لا/ تنـادي وتحتـار
وقلبي معايه من شقا الوقت بحميـه

’’منقوووول’’

**بنت الكحيلا** · 20/07/11, (03:04 PM)

صح لسانك ولسان شاعرها

وتسلم اخو محمد خلف

الله يعطيك العافية على اختيار الجميل والرائع

لك كل الشكر

**محمد خلف الزايدي** · 20/07/11, (03:10 PM)

بنت الكحيلا’’

الرووووعه والجماال في حضووورك المميز
لاهنتي على هالمرووور العذب الذي لايخلو من الاطراء

احتراامــــــــي

**صالح الأسود الجعفري** · 21/07/11, (01:43 AM)

محمد الزايدي

**جلال الدرعان** · 23/07/11, (11:57 AM)

**محمد خلف الزايدي** · 26/07/11, (08:38 PM)

اقتباس:
المشاركة الأصلية كتبت بواسطة صالح الأسود الجعفري
محمد الزايدي

اخي صاااالح الاسود"

تسلم وتدوووم على هالمروور العذب

عوااافــــــــــــــي

**محمد خلف الزايدي** · 26/07/11, (08:41 PM)

اقتباس:
المشاركة الأصلية كتبت بواسطة جلال الدرعان

جلال الدرعااان"

مرووورك اسعدني عسااااك ساااالم

لاهنت