وانعاش راسي واسعفتني سنيني - °~*¤®§(§ شبـــكة ويــلان العـربـيـه §)§®¤*~ˆ°

**عبدالكريم العنزي** · 02/09/05, (02:51 AM)

ليه الدموع وليه كثر الونيني = ليه الغضب ليه العتب والمشاريه
ليه الكلام اللي يبيح كنيني = شي يزيد آلاام الايام ماأبيه
تكفين كفي دمعتك وارحميني = قلبي من اسبابك يكفيه مافيه
يكفيني اللي بثه البعد فيني= بين الرجاء والياس وقتي مقضييه
دربي حزين وحسرتي تكتسيني = وش عاد باقي في يديني واسويه
خليت للاجلك كل قاسي يليني = وصادمت روؤس لاجلك الموت تشريه
وانعاش راسي واسعفتني سنيني = لاروي ضما قلبي بقربك واهنيه
ولو يزرعون الغام بينك وبيني = نذر علي لامشي الدرب واطويه
واشيل روحي فوق راحت يميني = وابيع عمري للاجل شوفتك واصخيه
واجيك لو دونك سياج متيني = دامك رجى قلب بعطفك غمرتيه
حبك زرعته وسط قلبي وعيني = واسقيته بدمعي ودمي يغذيه

قصيدة الشاعر / فيصل بن خلف