السلام عليكم ورحمة الله وبركاته
أحبتي أضع بين أيديكم هذه القصيده بعنوان { الهرج }
( وهي من الأرشيف )
عسى أن ترتقي إلى مستوى ذائقتكم
الهرج لاعصاب الاوادم يثوََّر=خصّ ٍ ليامنّه تعدى عن الطوْر
وبعض الرجال لياتكلّم تهوََّر=ميت ضمير وميت احساس وشعوْر
معدوم ذمه من خياله يصوِّر=ما يستريح إلا ليامن هرج زوْر
ينهش بعرض الناس ظلم وتجوِّر=في ملسنه يضرب كما ضرب ساطوْر
لاحشْ في هذا على ذاك دوََّر=شاذب قفا يمشي على الناس بالدوْر
من كثر هرجه عنده الصوت غوَّر=طبعه كذا ماله على الصمت مقدوْر
ظالم لياسولف على طول زوَّر=لا فرصه إلا يغتنمها على الفوْر
ماكنّه إلا للمشاكل يدوِّر=ومن ذا سلوبه يعتبر قاصر شبوْر
قم وإنصحه قبل يطيح يتعوََّر=يوم النصيحه عند أهلها لها دوْر
السالفه ماهي حسب ماتصوََّر=كانه لبيب ويسمع الراي والشوْر
وإن كان شفت إن القضيه تطوََّر=ترا التأنّي خير والقول ماثوْر
بعض الرجال ليانصحته تنوَّر=والبعض مهما تنصحه عيّ مثبوْر
خله وعن درب ٍ مشى فيه دوِّر=على الردى واهل الردى مانت مجبوْر
إن صرت لادنى شي دمّك يفوِّر=غديت مثل اللي سراء ليل ديجوْر
العلم يجعل كل درب ٍ منوَّر=واللي كظم للغيض محسن وماجوْر
والبيت لامن صار ماهو مسوََّر=مابه يبين وينكشف كل مستوْر
والما المغثرب بالطمان يتكوَّر=ومثله رديّ العرف ممشاه بحدوْر
ولو به علاج لكثرة الهرج دوِّر= حتى تتم معالجة كل ثرثور
وسلامتكم
05/07/11, (08:46 PM)
{{ الهرج }}
العرض العادي
