العمدة ....حمد الخمعلي - °~*¤®§(§ شبـــكة ويــلان العـربـيـه §)§®¤*~ˆ°

**كاتب الجعفري** · 28/06/11, (06:33 AM)

سلام تسليمةٍ تاخذ من الطاروق وزنه وتركيبه ومعناه=واهل المعرفه بليا شك تعرف فالطروق القديمة والجديدة

الفارس اللي غزا العربان متّجهد ومتّجهز بسيفه وشلفاه= حث المطيه يرادفه الامل لكنها رحلةٍ ماهي سعيدة

ياهلابك اخي كاتب والمعذره على التأخير لأني مرتبط بحفلات رسميه ودخولي الايام هذي ليس بالدائم0

يامرحبا ياهلا باللي على الطاروق يبعد مراميعه وهقواه=يالشاعر السيد ياللي تالي الايام يبغى يتعلا فوق سيده
ماكل فارس غزا العربان يرجع من مغازيه حصل ماتمناه=بعض المغازي تراها ماتجيب لفارس القوم ياكود المكيده

دام البقا والمحيط الاطلسي للسفن ولا القوارب تغرق بماه=واللي عيونه نظرها سته بسته يشوف القريبه والبعيده
ايوالله انك صدقت وكل ماقلته عن الفارس شفناه=وقف هاك الوقفه وضاعت علومه وحسبه قبلها رجلٍ وليده

سود الليالي تراها ماتفك الادمي لو زبنها الموت لاجاه=والمشكله هزة اركون الدول والناس ياصاحبي ماهي بليده
الفارس اللي وقع عند اللقا ذاك النهار وفقد راسه وعلباه=مصيبة عمة العالم بكل بلاد ومفلسٍ معها رصيده

العلم واضح وضوح الشمس لاكن صاحبي صد عن علمي مايبغاه=جته الرساله كذا مره وذا جته الرساله حذفها من بريده
الشعر عند العرب نبع الفكر واللي يقول الشعر من كسب يمناه=تايه وفقر الفلوس احسن من الفكر الذي باقيٍ على الحديده

لابد مانجرح المجروح حتى يعترف ثم نعطي جرحه ادواه=ونته تبي تشرح الموضوع لاكن مالقينا لكم جمله مفيده
أعرفك كبتً فريق إذا جته كوره يعديبها في وسط مرماه=ضيع فريقه بكاس الدوله وغنابها الخصم في كل البديده

دنياك ربح وخساره ياخساره كل حرفٍ على شانك كتبناه=ترديد واريد لاكن ياحمد ربي هو اللي يسوي مايريده
الله واكبر ياهذا الوقت حتى الشاوي اللي مابين العنز والشهاه=يناطح القوم وسمه من تحت صورته ينشرعلى صدر بالجريده

اللي هدم بيته من اول ترا مافيه احد لآذ يارجال بحماه=ماهو معزز لقومه فالليال السود والنصر ماغنى نشيده
الوقت مايحرم الرجال واللي يرتجي رحمة المخلوق عزاه=ياعزتيله على حاله وياعزي لربعه ولا يذكر حميده

**عبدالرحمن الجابري الحربي** · 30/06/11, (02:21 AM)

الله الله ... صح لسااااانك أخوي كاتب ...

وبانتظار الغالي حمد الخمعلي ....

تحياتي لكم ...

**كاتب الجعفري** · 30/06/11, (02:59 AM)

عبدالرحمن الجابري الحربي

صح بدنك وشرفنا حضورك

.

.

.

.

**احساس قلم** · 30/06/11, (07:51 PM)

يامرحبا ترحيبة المطر بشاعرنا الرائع كاتب
طولت الغيبة يامبدع
صح لسانك وانا من صفك وينك ياحمد

**كاتب الجعفري** · 01/07/11, (01:20 AM)

احساس قلم

الله يبقيك وعسى ماتفقدين غالي

الابداع في مرورك والصف يتشرف فيك

.

.

.

**سالم صالح** · 01/07/11, (02:33 PM)

ياهلا والله بشاعرنا المبدع / كاتب الجعفري ,,,

ابداااااع وطاروووق لايتقنه الا شاعر كبير فالله درك وننتظر ابو بتول (حمد الخمعلي )

فانتم شعراء من الطراز الغالي والثمين وسوف نستمتع بمحاورة مميزة

**كاتب الجعفري** · 01/07/11, (08:27 PM)

سالم صالح

حياك الله والمكسب حضورك وحضور الغانمين

متابعتك تشرفنا , وفي انتظار ابو بتول