لازاد صدرهم يزداد اتساع................................ - °~*¤®§(§ شبـــكة ويــلان العـربـيـه §)§®¤*~ˆ°

**حمد الوايلي** · 22/06/11, (10:35 AM)

السلام عليكم ورحم ة الله وبركاته
اعتذر عن الغياب واليكم ماهو جديد لدي اتمنى ان يحوز على رضاكم ويشفع عن الغياب المتكرر مني والتقصيير ..............

لازاد صدري هم يزداد اتساع=وان زاد همي فيه مايمكن يضوق
ماهو قناع الصبر لكن باقتناع=ان الظلام ايزول في وقت الشروق
وان اللذي دعا الولي دايم ماضاع=وان الخلايق تعطي وتاخذ حقوق
وان السباع ايضدها ضرب السباع =وان اللذي يظلمك لابده يذوق
وان البطون الجايعه تمسي شباع=وان العجاج ايزول لاجاه الحاقوق
وان الحياه اشتاتها فيه اجتماع=وان الصدور الثايره لازم تروق
وان الصراع يولده زود الصراع=وان اللذي يكذب يبي كلمة صدوق
وان الحياه اظروفها تجلي القناع=وان الحياه اتسد ثغرات الشقوق
وان الحياه اظروفها حزن ومتاع=والوقت هذا يمشي وطبعه سروق
وان التعلم مايجي بس اتباع=وان الحواجز ماتردك لو تعوق
وان التطبع ماغلب بعض الطباع=وان الدماء اتسير في كل العروق
وان التسمع مايجي منه السماع=مادام عقل المرء للفكره يعوق
وان السفينه تبحر بدفع الشراع=والريح تتحكم بتوجيه الطروق
واني لو اعذل قلبي المجروح طاع=حتى لو انه يمتلك ميدان شوق
واذا بغيت الفايده شوف الشعاع=يبعث لك الامال والدنيا شروق
ولازاد صدري هم يزداد اتساع=وان زاد همي فيه مايمكن يضوق

**حمد الضوّي** · 22/06/11, (12:20 PM)

حمد الوايلي

صح لسانك وإعتلى شانك شاعر متمكن
لله درك على ماكتبت

تحايا

**عبدالرحمن الجابري الحربي** · 22/06/11, (02:36 PM)

وان السباع ايضدها ضرب السباع
وان الــلـــذي يـظـلـمــك لابـــــده يـــــذوق
وان الـتـعــلــم مــايــجــي بــــــس اتـــبـــاع
وان الـحـواجــز مــاتــردك لــــو تــعـــوق

صح لسااااااااانك أخوي حمد ... متألق دوما ...
وعلى قولهم من طول الغيبات جاب الغنايم ....

تحياتي