الكلام اكبر مصيبة والسكوت مصيبه - °~*¤®§(§ شبـــكة ويــلان العـربـيـه §)§®¤*~ˆ°

**معيض بن عريفج** · 22/06/11, (02:38 AM)

الكلام اكبر مصيبه والسكوت مصيبه = استحي لاصارحك وانا الغلا جارحني
تدري ان طيفك اليامن جاني اهليبه = كن طيفك طفلة(ن)لاقبلت تتنطحني
ودي ان اللي بقلبي يالغلا تدريبه = مير اخاف اصارحك بالسالفه تكسحني
لان لي بين البشر قدر ومقام وهيبه = انا ماقبلها لو انك سمح وتسامحني
لاتقول افاااا وتلبسني ثياب الخيبه = صد عني لاتعاتبني ولاتنصحني
خلني اعيش بأحلام ٍ علي اصعيبه = ومع مرور الوقت رب انساك وتريحني
حافض اسراري عن اللي ينقلون الغيبه = مار اخاف الشوق ملعون الثوى يفضحني
شي في نفسي ولاحب الردي يدريبه = وضحكت اللي مايساوي جزمتي تذبحني

**محمد البويليد العنزي** · 22/06/11, (09:48 AM)

حافض اسراري عن اللي ينقلون الغيبـه

مار اخاف الشوق ملعون الثوى يفضحني
شي في نفسي ولاحب الـردي يدريبـه
وضحكت اللي مايساوي جزمتي تذبحني

الشاعر/ معيض
صح لسانك حتى ترضى
قصيده جزله من شاعر جزل
كل الشكر لك
دمت بخير

**حمد الضوّي** · 22/06/11, (12:24 PM)

معيض بن عريفج

صح لسانك مليون ولا يسدون
أبدعت فأمتعت
كل الشكر لك

تحايا

**عبدالرحمن الجابري الحربي** · 22/06/11, (02:30 PM)

حافـض اسـراري عـن اللـي ينقلـون الغيـبـه
مار اخاف الشوق ملعون الثوى يفضحني
شــي فــي نفـسـي ولاحـــب الـــردي يـدريـبـه
وضحكـت اللـي مايسـاوي جزمتـي تذبحنـي

صح لسانك واعتلا شانك شاعرنا معيض
نص جميل جدا ... يعطيك العافية

**مشهور الرشدان** · 22/06/11, (03:01 PM)

الشاعر القدير / معيض بن عريفج
صح لسانك وعتلا شانك على هذه القصيده الرائعه

**بنت الكحيلا** · 22/06/11, (03:34 PM)

صح لسانك اخوي معيض بن عريفج

والله يعطيك العافية على القصيدة الرائعه

كتبت وابدعت بارك الله فيك

وتسلم ويسلم بوحك الراقي والجميل

لك شكري وتقديري

**محمد بن موسى** · 22/06/11, (03:37 PM)

ودي ان الــلـــي بـقـلـبــي يــالــغــلا تــدريــبــه
ميـر اخـاف اصـارحـك بالسالـفـه تكسحـنـي

الشاعر القدير / معيض بن عريفج

الله الله عليك يامعيض

نص رائع ومميز ومعبر عن مايختلج بصدر شاعره

لله درك على هذا الحضور

ربي يسعدك وينوولك اللي ببالك

وصح الساانك ملايين

تقبل مروري واحترامي

كن بخير