غـيروك يا قلبي ؟؟!!

[مشاري بن فالح]

السلام عليكم

من العراق .. متواضعه تقبلوها كما هي

:
:


غيروك ياقلبي

حسبي الله من تعمّد في جفاه=قلبي اللي من سبب هجرهْ ينوح
ودّي انسى.. مير قلبي مانساه=عارفٍ قلبي على الذكرى لحوح
ماتصدق! كلّ هذا ماكفاه=حتى وصلهْ بالحلم خلّي شحوح
ولوّ طيفهْ مرةٍ بيّن حلاه=ماهو شوقٍ..؟ جا يمـلّحْها الجروح
آه وا ويلاه خلّي يا قساه=مادرى وسط الحنايا لهْ صروح
غيّروه الناس وابعدْ في خطاه=مهرتي عن سكـّتي صارت جموح
بالمكان اللي يعانـقـنـي هواه=صرت انادي اسمهْ بصوتٍ بحوح
آتلـفـّت مامعي الاّ مناه=ارتجي علّ وعسى زوله يلوح
صرت اسولف للسحايب عن غلاه=يوم رجلي عانقتْ هام السفوح
قلبي بير وكاشفٍ عنّه غطاه=يوم فارقني وانا هجسي يبــوح
من ورا زحمتْ شقاوي محتواه=ماتت آمال الهواوي والطموح
ربي عين المبتلي على بلاه =كنت احسب السالفه كانت مزوح
في غيابهْ كل صباحاتي مساه= اسهرهْ ماشفت من شمسهْ وضوح
كلمةٍ مسجونةٍ خلف الشفاه=خبـّروه انّي على وصلهْ نصوح
يلعن الشيطان ويجدد ولاه=ويدمج الجثمان مثل اول بروح
وانْ تمادى في عناي وفي جفاه=والله انسى صاحب الوجه السموح
واقطعْ الشريان من قلبٍ طراه=واترك الدمـّان من صدري نضوح
حسبي الله من تـعـمــّد في شقاه=قلبي اللي كل مساحاتهْ جروح

مشاري بن فالح البدري العنزي ( هاجس الحرمان)
15 / 6 / 2011
:
:

[محمد دعسان]

الشاعر مشاري البدري
قصيده جزله من جزل رائعه رائعه
انت مبدع لله درك
تقبل مروري
دمت بحفظ الرحمن

[محمد بن موسى]

الرائع / مشاري بن فالح


صح الساانك ملايين


قصيدة جزله من راس جزل


ابدعت وكفى يافالح


تقبل مروري واحترامي

كن بخير

[جايز المفوز]

الشاعر\ مشاري البدري قصيده جزله من جزل رايع في مايكتب انت مبدع تقبل مروري واحترامي دمت بحفظ الرحمن تحياتي ابواريج

[بنت الكحيلا]

صح لسانك اخوي مشاري بن فالح البدري

والله يعطيك العافية على القصيدة الرائعه

كتبت وابدعت بارك الله فيك

وتسلم على هذا البوح الراقي والجميل

لك كل الشكر

[عبدالله المعيوف الدهمشي]

الله عليك يامبدع

دايم مبدع

دام ابداعك

لا عدمناك

[عبدالرحمن الجابري الحربي]

بـالـمـكــان الــلـــي يـعـانـقـنـي هـــــواه
صـرت انـادي اسمـهْ بصـوتٍ بحـوح
آتـــلـــفّــــت مـــامــــعــــي الاّ مـــــنــــــاه
ارتـجـي عـــلّ وعـســى زولـــه يـلــوح


صح لساااانك أخوي مشاري قصيدة رائعة وتصوير أروع .....