الأميــر / الفـيصـلي ..

[رابح الغضيان]

بسم الله الرحمن الرحيم

السلام عليكم ورحمة الله وبركاته

من اجل التواصل مع زوار واعضاء منبرنا العزيز

إليكم جديدي المتواضع امام شموخكم

ياقوافي الشعر هاتي لي مدد=دربنا يالقافيه ماهو قصير
ان بديت المدح في رمز البلد=لا قلم يسعف ولالسان شطير
الامير الفيصلي شبل الاسد=ابن مشعل والزمن عنده يحير
عزنا نبراسنا عد وعتد=صاحب الفكر المحنك والمنير
ذخر الامه عزها صقر الهدد=كافل الايتام زبن المستجير
فيض كفه مايحسب بالعدد=تغني المحتاج وتعين الفقير
ياسحايب ديم غيث بلا رعد=هاطله يسقي وسيله له هدير
انت يادكتور كل لك شهد=نور علمك ضي يمشي به ضرير
والسياسه والفراسه والجلد=والتواضع للسماحه بك خشير
انت كلك خيرياوجه السعد=من خلقك الله وجهك وجه خير
يبطن النسوان ماجابن ولد=مثل فيصل ماهقيت انه يصير
لبست بريدة له ثياب جدد=للأمير بن الامير بن الامير
يحفظك رافع سماها بلا عمد=ياذرانا بالجليد وبالهجير
وكلنا ال سعود وافين العهد=ولا سمعنا هرج كذاب حقير
فاهمين علوم راعين الحسد=وكل خاين موعده سوء المصير
مايهز الشعب من قام وقعد=وش يضر طويق لو زاد الصفير
شعب ابومتعب على العليا صعد=سيفه المسلول لاصاح النذير
ولايسود إلا الاسد ياابن الاسد=والحرار صقور والخفاش طير

والسلام,,,,,,,,,

ابوهيثم

[مشهور الرشدان]

الشاعر القدير / رابح الغضيان
صح لسانك وعتلا شانك على هذه القصيده الرائعه
ويستاهل المدح راع الطيب لله درك يا اباهيثم
بنتظار جديدك

[عوض بن خميس]

اخى وصديقى \ابو الهيثم

هلا وغلا بك تغيب وتجيب واكيد جبت السمين والثمين. نص غالى فى معانية . نص جسد قدرة الشاعر رابح الغضيان على طرق جميع انواع الشعر واغراضة ومعانية. وهاهى تلك الشامخة التى تتغنى بمدح هذا الامير الانسان . والنعم فى المادح والممدوح . صح لسانك واعتلى شانك اية المبدع دائمااا وابدااا . عشت مع جديدك وننتظر قادمك بكل شوق .. لك من الامانى اجملها واحبها ولك من الدعوات اصدقها واجلها . عوافى لروحك الطاهرة

[سعد النفج]

.
رابح الغضيان ..
اتعبت ميدان السباق يا بو هيثم ..
دائما في القمة ما شاء الله عليك ..
و مبدع بكل حالاتك ..
صح لسانك و أعلم أن مروري متواضع مهما تحدثت ..
لله درك ..
نص في الفيصلي و هو يستحقه بالتأكيد .. أبدعت يا بو هيثم ..

[الجادل]

رابح الغضيان
اسم لامع بدوحة الشعر
فدائما نتوق لمعانقة حرفك
وألف نعم بالمادح و الممدوح
وبإنتظار روائعك ...
تقديري
الجادل

[محمد بن موسى]

الشاعر القدير / رابح الغضيان


صح الساانك ملايين

نص شامخ بشموخ قامة ابو هيثم

لله درك على هذة الجزالة الغير مستغربه


ونعم المادح والممدوح


تقبل مروري واحترامي


كن بخيرر

[رابح الغضيان]

اقتباس:
المشاركة الأصلية كتبت بواسطة مشهور الرشدان
الشاعر القدير / رابح الغضيان
صح لسانك وعتلا شانك على هذه القصيده الرائعه
ويستاهل المدح راع الطيب لله درك يا اباهيثم
بنتظار جديدك

هلا بالرشدان

صح بدنك يالغالي

ممنون لك مرورك العذب

لاهنت اخي العزيز

مودتي