ياخوي - °~*¤®§(§ شبـــكة ويــلان العـربـيـه §)§®¤*~ˆ°

**عبدالله المعيوف الدهمشي** · 02/06/11, (03:17 AM)

هذه القصيدة قديمة قلتها بوداع اخوي في شهر رمضان

ياخوي لا يغرك جفا البعد لو كنت=بأقصى ديار العالم أنت بفؤادي
اركب على اللي ماهو بـ خفة أكسنت=جيب ٍ فخم .. ماله شدي ٍ يشادي
وانهج مع اللي ما شرب تتن ٍ وكنت=حزة صيام الناس فرض ٍ وكادي
من الحفر حرك .. وإلا منك اوزنت=دار ٍ بعيده .. لا تكب المبادي
وإليا اذن المغرب ووقفت وأذنت=أفطر فطور اللي عناه الهدادي
وإليا قضيت من الفطور وتمكنت=اجمع وقصر في صلاة العبادي
وإليا وصلت الدار واشملت وأيمنت=بلغ سلامي للحضر والبوادي
خاو الصديق اللي ليا شافك احزنت=شال الحزن شيل الجمل للشدادي
وإلا الردي لو هو خويك .. إليا اغبنت=زادك غبن كنه عدو ٍ يعادي
أبيك لا شفته يسارك تيامنت=وان كان نادى لا تجيب المنادي
واعلم ترى الدنيا مثل سفرتك أنت=كنك مسافر من بلاد لبلادي
ياعنك ما ينفعك قولة تماهنت=لا صرت ما تقضي فروض ٍ جدادي
تورث لك الجنه ليا تبت واحسنت=وان كنت ماتصلي ترى الحظ غادي
صل الصلاة بوقتها دامك آمنت=واحذر تخاوي مخلفين الرشادي

**محمد بن موسى** · 02/06/11, (02:44 PM)

عبدالله الدهمشي

لافظ فووك

واهلاً وسهلاً بك من جديد ياعبدالله

طوولت الغيبه

وصح الساانك ملايين يالغالي

كتبت فأبدعت

وشهادتي في شاعريتك وعذوبتها مجروحه

تقبل مروري واحترامي

كن بخير

**محمد دعسان** · 02/06/11, (03:35 PM)

عبد الله الدهمشي صح السانك
الله يعطيك العافيه ابداع سلم بوحك
تقبل مروري الله يحفظك

**بنت الكحيلا** · 02/06/11, (03:54 PM)

صح لسانك اخوي عبدالله معيوف

والله يعطيك العافية على القصيدة الرائعه والمعبرة

تسلم ويسلم بوحك الراقي والجميل

لك كل الشكر

**بروق الشمال** · 02/06/11, (08:10 PM)

صح لسانك اخوي عبد الله
قصيده معبره
من شاعر جزل مثل عبد الله
تقبل تمنياتي لك بالسعاده وراحة البال
اختك بروق

**غموض الشمال** · 02/06/11, (08:22 PM)

صح الله لسانك اخوي عبدالله

نص رائع تسلم يمينك اخوي

تقديري لك

**محمد البويليد العنزي** · 04/06/11, (10:13 AM)

صح لسانك اخوي عبدالله معيوف

والله يعطيك العافية على القصيدة الرائعه والمعبرة

تسلم ويسلم بوحك الراقي والجميل

لك كل الشكر