السلام عليكم
طبعا مللتم من اعتذاراتي عن الغياب لكن ارحو ان تكون قصائدي في مسابقة شاعر الملك شافعا لديكم
متمنيا دعواتكم لي بالترشح للمرحلة النهائية
من وين اببدا والقصيدة كنهـا العبـد الذليـل= اللي إذا اقبـل سيـده نـزل عيونـه للثـرى
هواجسي مهما شرار زنادهـا شـب الفتيـل=اشوفها فـي مشيهـا قـدام ترجـع بـي ورا
ماالومها دام انهـا تسعـى لنيـل المستحيـل=ماهي بلحية طقطـة بيتيـن والسـاري سـرا
الشعر في ساحة بلاط الملك لـو انـه جزيـل=قطرة مطر والله منزلها علـى نهـر ٍ جـرى
اقولها وانـا معديهـا عـن الفـرع الهزيـل=لنّ الملوك وهم ملوك شعوب ماهـم بـ نظـرا
ياكثرهم فوق البسيطة مار مامنهـم حصيـل=ملوك وحكومـات معتبـرة وقـادة وواومـرا
ماتصغرالكلمات غيـر لواحـد ٍ مالـه مثيـل=بين الملوك اللي سعو فالارض من بين الورى
هذا وقولي حجـة ٍ ماهـي بمحتاجـة دليـل=هذا هو الضرغام ابو متعب ولامعـه خشـرا
يستملكون الناس بالقـوة وبالسيـف الصقيـل=لكـنّ عبـدالله عطـاه الله قــوة مـاتـرى
عطاه سلطان القلـوب اللـي يخليهـا تميـل=لاخوف من سطوة ولامرغوب فـي جـاه وذرا
كـذا مجـرد طلعـة محيـاه طـب ٍ للعليـل=لو مابرى سقمه يحس انه بعد شوفـه بـرى
حتى الطفل لاشاف صورة وجهه السمح النبيل=اقبل عليها واعتراه مـن السعـاده مااعتـرى
ماينعته باسمه ليا جا يسألـه عابـر سبيـل=هل هو درى عن صاحب الصورة او انه مادرى
يقول ابويه واذكر الدمعه علـى خـده تسيـل=شفته بمنديله مسحها بس مدري وش جـرى
مايدري ان العطف ماهو داخل اعماقـه نزيـل=العطف أقام بداخل اعماقـه وبيـع واشتـرى
لين اصبحت نظراتنـا تعتبـره الظـل الظليـل=اللي بقربـه كـل طـاري للتعاسـه ماطـرى
نكثر يابو متعب بمدحك بـس ذا جـود القليـل=وانت الذي في ذمتى مـداح مثلـك ماافتـرى
لو الكرم رجال مبطي صار فـي بيتـك دخيـل=والا الردى بينك وبينه حرب وسيـوف وبـرا
ياركب شعري للمهمه وش تحـط وش تشيـل=قبلي وبعدي يتعب الكاتب ويتعـب مـن قـرا
جميل يوم اسمك يضاف بمدح معشوق الجميـل=اللي هو اكبر من قصيد ومن مشاعر وشعـرا
وهذه قصيدتي في المرحلة ماقبل النهائية
ابتسم ياقصيدي مثل ورد النبات=لاابتسم بعد ليلة للصباح المنير
ابتسم ثم عود بعد ذاك المبات=يلتفت للمدى حوله وينشر عبير
انت بحلال من كفه تمد الهبات=لجل وجه الليالي يبتسم للفقير
ابو متعب حكت عن طيبه البينات=ماهو بطيب يصغر عن نباه الكبير
حاكم ٍ تزدحم بفجوج ذاته ذوات=الله انه يعينه كيف يقدر يسير
من زهى فوق عرشه مارسم أمنيات=للعمل حث ركب الوقت يحدا المسير
مانسى يوم شاهد في بيوت الشتات=شكل جدرانها البالي ووضع الحصير
صورة قال راحت في خيالي وجات=كيف ابا انام معها مثل نوم القرير
وابتدت دون تاقف مزنه الماطرات=تغدق الغيث لين اورق كبير وصغير
الفقر طير ماله في وطنا ثبات=كان شافوه فالاوطان قادر يطير
روحت به هبايب غامر الاعطيات=بين دعم سريع وبين صندوق خير
لاعدمنا كفوف عشقها الطايلات=ماتفكر متى تعطي ولا تستخير
ان تقهقر بعضهم ساعة الواجبات=خيرها فالدول عمر بعيد وقصير
لين جتها الشهادة باعظم التزكيات=والشهادة لها ماهي بشي مثير
خادم البيت عادي يحصد المنجزات=قاتل الفقر في سيف العطايا الشطير
والسلام عليكم ورحمة الله وبركاته
08/05/11, (10:33 PM)
قصائدي في مسابقة (شـــــــاعر المـلك)
العرض العادي
