{{ بعض المجالس }}

[حمد الضوّي]

هذه أبيات أضعها بين أياديكم أرجو أن تحوز على رضى الجميع

{ بعض المجالس }

إسمع وأنا أدري صحيح العلم ماغرّك=خذها نصيحه وفي ماقول لك فكّر
لاشفت مجلس ونس للراحله برّك=وإحرص تجيله وباسرع وقت ومبكّر
بعض المجالس ليامن جيت له سرّك=تسلى ولو إنّ جوّك كان متعكّر
وبعض المجالس ليامن جيت له ضرّك=ويسبب الضيق لك والضغط والسكّر
تسمع كلام ٍ مثير يزيد من حرّك=من فم رديِ ٍ بثوب الطيب متنكّر
هرجه يخلّ المشاعر فيك تتحرّك=غادي جدى في شعور الناس مافكّر
أطلق عنان الذلول وفوقها ورّك=بمسيلمه كذبه يفطنك ويذكّر
وفي حزة الموجبات يصد ويفرّك=للشّمت واللوم لاحسّب ولافكّر
عند الردي لاتبوح وتبدي بسرّك=لاتامنه يقلب التانيث لمذكّر
وإثبت لايغدي بك العاصوف لامرّك=خلك كما الحر فوق النايفه وكّر
واحفظ لسانك وفك الناس من شرّك=وباب القشر لاتفكه خله مسكّر
والمجلس اللي لقول السوّ يجترّك=ودعيت له هات عذر وقول متشكّر

وسلامة الجميع

[بنت الكحيلا]

صح لسانك اخوي حمد الضوي

والله يعطيك العافية على هذه القصيدة الرائعه والجميله

وتسلم ويسلم بوحك الراقي والمعبر

كتبت فأبدعت بارك الله فيك

لك شكري وتقديري

[مشهور الرشدان]

مدرستي الشعريه /الشاعر القدير / حمد الضوي (درع عنزه )

تسمع كلام مثير يزيد من حرك & من فم ردي بثوب الطيب متنكر

عز الله انك صادق صح لسانك وعتلا شانك استاذي الكريم
على هذه القصيده الجزله قصيده تحوي من الحكم الشي الكثير
للامانه ياحمد انت شاعر من كبار شعراء هذا الصرح
وانا من سجلت في هذا المنتدى ماشفت شاعر بمثل قوه شعرك وجزالته
وانا مسؤل عن كلامي صح لسانك مره اخرى وتقبل اعجابي بما تكتب
وانا بنتظار جديدك وبشوووق تحيااتي اخوك مشهور الهويدي

[فاضي عبدالعزيز]

صح لسانك
بداع رائع ونصيه غاليه
من شاعر تميز بالجزاله والحكمه
صح لسانك مليووووون

[بندر السديري]

الله عليك
ابدااااااااااااااااااااااااااااااااااااع
حمد الضوي
صح السااانك وعزالله انك صدقت ياالغالي
تحيااتي

[محمد بن موسى]

درع عنزة


صح الساانك ملايين يالغالي

نص شامخ بشموخ حمد الضوي

لله درك ياحمد على هذة الجزاله الغير مستغربه

ومهما قلت ياحمد فلن افي هذا النص حقه من المدح والثناء

وشهادتي بجزالة نصوصك وشاعريتك مجروحه


دمت كما انت يالغالي متألق دائماً

كن بخير

[حمد الضوّي]

اقتباس:
المشاركة الأصلية كتبت بواسطة بنت الكحيلا
صح لسانك اخوي حمد الضوي

والله يعطيك العافية على هذه القصيدة الرائعه والجميله

وتسلم ويسلم بوحك الراقي والمعبر

كتبت فأبدعت بارك الله فيك

لك شكري وتقديري



بنت الكحيلا



صح بدنك أختاه وشاكر لك مرورك العاطر

وإطرائك وكلماتك الجميله


دمتي بخير وعافيه



تحايا