نــاعــس الــرمــش

[فــرج الدهمشي]

:
:



ياذابل الشفه اللي هرجها خدري
ياناعس الرمش في نظره وسلهامه


الخد يزها جماله وجهك البدري
والقد يزها وصوفه فارع القامه


ان جيت مقبل تناثر ليلك الغدري
ضافي جديلك على الساقين وأقدامه


ترمي بسهم العيون وكان ما تدري
قلبي صويبك وهذي طعنة اسهامه


الليل بعيونك النجلا حفر قبري
من اول احلام عمري لآخر ايامه


الوقت لاشفت زولك مر بي بدري
كن الدقايق توازي ماضي أعوامه


الشعر مايوصفك لو انتثر حبري
على الورق يا(.....) جفت اقلامه


لكن عزايه احبك واقبلي عذري
القلب سيف المحبه ناوي اعدامه


لو مات حبك ياحبي ما نزل قدري
أشوم بأسمي وراسي رافع الهامه


مايكسر القلب غير البعد ياجبري
ولا ينزف الجرح الا غربة اوهامه


وشلون ابنسي غرام ٍ نبضه بصدري..؟
ياهاجس البوح والاحساس وهيامه..؟


وياذابل الشفه اللي هرجها خدري
يفداك حرف ٍ رسمتي بصمة ابهامه


:

:

[سالم العنزي]

فرج الدهمشي

صح لسانك على هذه الابيات الجميله التي تحمل شاعريه مفرطه

[بنت الكحيلا]

صح لسانك اخوي فرج الدهمشي

قصيدة رائعه وجميله

كتبت فأبدعت والإبداع غير مستغرب منك

الله يعطيك العافية على البوح الراقي

لك شكري وتقديري

[عبدالله المعيوف الدهمشي]

صح لسانك يا فرج

هنا شبعت شعر

صح بوحك الراقي

[فــرج الدهمشي]

المشاركة الأصلية كتبت بواسطة سالم العنزي

فرج الدهمشي

صح لسانك على هذه الابيات الجميله التي تحمل شاعريه مفرطه

سالم العنزي

صح بدنك تسلم وتدوم اسعدني مرورك الله يسعدك واشكرك من القلب

تحيتي وتقديري

[غموض الشمال]

الشاعر القدير فرج الدهمشي

عذوبة ماكتبت هنا تجبرنا على قول صح لسانك

لاهنت اخوي على هذا الاحساس المرهف والجميل

تقديري لك

[محمد بن موسى]

فرج الدهمشي


صح السانك واعتلاا شانك يالغالي

قصيدة رائعه بروعة شاعرها

لاخلا ولا عدم يالغالي

تقبل مروري واحترامي

كن بخيرر