يالخوي إللي على الجزله شفاوي - °~*¤®§(§ شبـــكة ويــلان العـربـيـه §)§®¤*~ˆ°

**عبدالله المعيوف الدهمشي** · 03/03/11, (07:18 PM)

فيه ناس يأسرونك بوفائهم وصدقهم وفزعتهم وكرمهم .

هذه القصيدة مدح بولد خالي

المهندس فهد بن لافي العنزي

ابتدي قافي بمدحك يبن وايل=يالخوي اللي على الجزله شفاوي
ياولد خالي ترى عندي دلايل=وادري انك للخوي قرم(ن) فداوي
ادري انك يا فهد وافي خصايل=بالعطا ماتحسب لمالك وتاوي
مثل نو(ن) قامت مزونه تسايل=برقه يزيح الدجى والرعد داوي
من كثر ما تمد للصاحب جزايل=صاحبك يحسبك لعيونه هواوي
لا تبرهن طيبك بسوق الجمايل=شايف(ن) طيبك ,, ترى ماني عماوي
طيب خالي جاذبك جذب المحايل=للرشا إللي تحته العد الرهاوي
يافهد يا ستر نقاض الجدايل=يابعد من جودهم شرب القهاوي
ياولد من قوله يجر الفعايل=خالي إللي ماتخيب ابه الهقاوي
خالي إللي لا ذكر طيب الحمايل=يعتزي لعيون لباس الغطاوي
يفتخربك كل من يرجع لوايل=كيف عاد إللي قريب(ن)لك مخاوي

وسلامتكم

**بنت الكحيلا** · 03/03/11, (07:42 PM)

والنعم بالمادح والممدوح

صح لسانك اخوي عبدالله المعيوف

والله يعطيك العافية على القصيدة الرائعه

وتسلم على البوح الراقي

لك شكري وتقديري

**محمد بن موسى** · 03/03/11, (10:53 PM)

الشاعر القدير / عبدالله المعيوف

ومليوون نعم بالمادح والممدوح

قصيدة رائعه بروعة شاعرها

صح السانك ملايين

تقبل مروري واعجابي

كن بخير

**سليمان مفضي العنزي** · 06/03/11, (05:20 PM)

عبدالله المعيوف الدهمشي

صح لسانك وفهد يستاهل

تقبل اعجابي

**حمد الخمعلي** · 07/03/11, (01:28 PM)

الاخ القدير

عبدالله المعيوف

من كثر ما تمد للصاحـب جزايـل

صاحبك يحسبـك لعيونـه هـواوي

تصوير رائع في هذا البيت0

صح لسانك وسلم نبضك

كُن بخير

**عبدالله المعيوف الدهمشي** · 09/03/11, (07:40 PM)

اقتباس:
المشاركة الأصلية كتبت بواسطة بنت الكحيلا
والنعم بالمادح والممدوح

صح لسانك اخوي عبدالله المعيوف

والله يعطيك العافية على القصيدة الرائعه

وتسلم على البوح الراقي

لك شكري وتقديري

اختي بنت الكحيلا

ماعليك زود

وصح بدنك

وسلمتي لمرورك الكريم

كل الشكر لك

**عبدالله المعيوف الدهمشي** · 09/03/11, (07:42 PM)

اقتباس:
المشاركة الأصلية كتبت بواسطة محمد بن موسى
الشاعر القدير / عبدالله المعيوف

ومليوون نعم بالمادح والممدوح

قصيدة رائعه بروعة شاعرها

صح السانك ملايين

تقبل مروري واعجابي

كن بخير

أستاذي محمد بن موسى

ماعليك زود

مرورك أروع من قصيدتي

لا عدمناك يالغالي