قصيده الشاعر المعاصر عايش سليمان الكااسب - °~*¤®§(§ شبـــكة ويــلان العـربـيـه §)§®¤*~ˆ°

**مشهور الرشدان** · 18/02/11, (03:33 PM)

بسم الله الرحمن الرحيم
السلام عليكم ورحمة الله وبركاته

ياوجود اللي حواله مثل حالي

مبتلــين بادــمين مادريبــه

مادرى باللي على شانه جرالي

بارداً قلبه وانا كبدي لهيبه

اشهد اني من صوابه لي ليالي

واردن حوض الطناء وجمه قليبه

ياعنود الصيد ريض ياحلالي

تبي من يبيك والا وش تبيبه

استريح شوي لاشفتك قبالي

راحت الدوار ياعقل ذهيبه

كل نابن ارقبه بالحيل عالي

ارقبه مثل الوحش عجلن هذيبه

ماورى ارقاب النباء غير الهملالي

يشغل القلب من فرقاء حبيبه

شبه حمراء سربت عقب الحيالي

ضومريه من قصيرات الحزيبه

ياوجودي سومها بالسوق غالي

لو جمعت المال كله مايجيبه

**بنت الكحيلا** · 19/02/11, (12:48 AM)

صح لسانك ولسان شاعرها عايش سليمان الكاسب

وتسلم اخوي مشهور الرشدان الله يعطيك العافية على حسن الإختيار

لك شكري وتقديري

**مشهور الرشدان** · 19/02/11, (03:56 PM)

لؤلؤه الشعر (بنت الكحيلا)
صح بدنك استاذتي الكريمه والله يعافيك ويبيض وجهك شاكر تشريفك
حفضك الله ورعاك

**عبد العزيز الشويمان** · 21/02/11, (05:51 AM)

صح لسانك ولسان شاعرها عايش سليمان الكاسب

اختيار موفق

**مشهور الرشدان** · 22/02/11, (02:30 AM)

عبد العزيز الشويمان
صح بدنك استاذي الكريم والله يعطيك العافيه على هذا التشريف
حفظك الله ورعاك

**محمد بن موسى** · 22/02/11, (02:49 PM)

مشهوور الرشدان

اختيار رائع وموفق لشاعر مبدع

صح السان شاعرها وسلم بنان ناقلها

كن بخير

**فايز الفايز** · 22/02/11, (03:04 PM)

الف شكر لك اخوي مشهور على نقل هذه الدرر

وصح لسان ابو دحام على هذه القصيده

دمت بخير