الشاعر المرحوم حليان بن محارب بن سويهج الخمعلي العنزي احد ابرز شعراء قبيلة عنزة
شاعر أصيل وجزل كتب العديد من الابيات السائرة والتي جمع فيها قوة اللفظ والمعنى ..
أحببت أن أورد له هذه الغزلية التي يحفظها الكثير من متذوقي شعره وقد حصلت عليها كاملة وان كان بها خلل فهو من الرواة :
البارحة كني سجين الشبوكا=مثل السجين مكتفٍ بالشباكا
مربوط وقالوا بالحرام اتهموكا=وخطرٍ على حالك يجيها الدراكا
يا الله يا اللي كل خلقك رجوكا=ياخيرٍ يا راحم اللي رجوكا
يا مستجيب لطلبة اللي اطلبوكا=يا حيرا نعطي العطا من عطاكا
البارحة يا كن بالعين شوكا=شوك قصير ونابت باشتباكا
يا مسندي يا ساكن في تبوكا= شوف العيون اللي جداها تباكا
كان ان طروش الناس ما خبروكا=كزيت خطٍ يمكم قد لفاكا
ما تشوف قلبٍ كل يومٍ هلوكا=عيا يهون عن دروب الهلاكا
يا القلب ترك ناسك اللي نسوكا=ترك وليف له زمان نساكا
يا القلب كان يبرونك اللي بروكا=والله غير آصل واحد قد براكا
عجزت اطبا الجيش لو عالجوكا=واهل الاشاعة ما دروا وش بلاكا
عجزتهم تشكي الوجع لو دووكا=واظن ما تاجد يديهم دواكا
يا القلب ليت الناس عني جفوكا=وانا اشهد انك مستحق جفاكا
والله يا قلبي كانهم حاربوكا=والله لاصاحب بالمودة عداكا
والله ماالوم الناس لو اشتكوكا=لاشهد عليك لواحد لا شكاك
والله ماالوم الناس لو شتموكا=بقظت بي عند العرب من خطاكا
انت تهاوشني والعرب هاوشوكا=وانتم عاديني يا عدو اصدقاكا
ما ارضى عليك بزلة لو شنوكا=وليا عطيت الدرب عيني وراكا
بالله تذكر بالذي فارقوكا=اللي رجونا وايسوا من رجاكا
عافوا طرب حياتهم واحتروكا=يا ما نحاهم وقت عنهم نحاكا
علمي بهم يوم العهد ما ارخصوكا=وبالحلم شفته زايرٍ في وطاكا
رح انصهم يا شين كان ما نصوكا=و لا تلومه يا شين كان ما نصاكا
والله لا الوم الناس كان لوموكا=يا اللي على خلك تزايد عناكا
ابو ثمان لون نور الدعوكا=نور القحاوي نابتٍ بالدعاكا
و لا حليب النوق عقب البروكا=يرعن زهر نوار بارضٍ دكاكا
ريحة جسدها ريح زين الفنوكا=تقل على جيب الحبيب اتداكا
ولا الزباد مخلطٍ بالمسوكا=ولا نفل روض سقاه السماكا
ليا شافني زين الحلايا ضحوكا=يضحك ببيضٍ ما جلاهن براكا
يا زين لو هم بالثمن بيعوكا=لاشريك لو هو غاليٍ مشتراكا
يا زين بالله كان هم خيروكا=ما تعلمن يا زين وش هو هواكا
مار البلا يا زين كان غصبوكا=اما على هذاك والا هذاكا
انت الغزال الجافل اللي رموكا=عساه ما يصيبك عدوٍ رماكا
انحش عنهم يا زين لو لو عذبوكا=لا يشربون عداي من زين ماكا
ويا صاحبي كان انهم نشدوكا=عطهم علوم ولا تبين خفاكا
ويا صاحبي لا تخاف لو اضربوكا=ولو اذبحوك بحق لا اخذ قضاكا
هم عطشوني عنك وانت اعطشوكا=يا زين لا تنسان وانا بشقاكا
12/02/11, (12:14 PM)
من شعر حليان بن سويهج الخمعلي رحمه الله
العرض العادي
