ورد الديدحان....... - °~*¤®§(§ شبـــكة ويــلان العـربـيـه §)§®¤*~ˆ°

**احمد العريفي** · 04/02/11, (03:11 PM)

المناسبه:
في يوم الخميس الموافق 4/3/2010 اتصل علي الاخ / سعود الكردي(ابويحيى) والاخ / غيث الغيث من منطقة (الاقرع) و(الحنظليه) بين عرعر والجوف وذكرا لي انهم الان يستمتعان بمناظر ورود الربيع بما في ذلك ورود الديدحان.
وبعد المكالمه مباشره ولدت هذه القصيده التي آمل ان تنال استحسانكم:

هـنيكم ياللي (بالاقرع) تدوجـــون=بين الـزهـور اليـانـعـه والـنـديـــه
وانا ادوج بالخبر تقل مـسجــون=ولا لي على ترك الخبر مـقـدريــه
ياغيث قلبي في هوى البر مفـتون=وعيني تمنى شوفة الـحـنـظـلـيــه
ياغـيث تـكـفى لبويحيى تـقـولـون=خـويكـم ضاقـت عـليه الـفـضـيـه
خويكم في خنجر الوقت مطعون=وجـروح قـلـبـه يابويحيى خـفـيـه
قولوا حبيس الدار لازال مـغـبـون=من فـكـت الاطـنـاب ذيك الـعـشـيه
ويوم انكم ياسعود للـفرش تطـوون=والحزن ضافي تقل بشت اجوديـه
والله مانسى يوم عنا تـقفون=لحظة فراقٍ بالمآسي غنيه
نفسي تمنى مجـلسٍ به تـقـهـوون=مع تمرة اهل الجـوف والشاذليــه
وسوالفٍ يطـرب لها كل مـحـزون=بالبر تـسـلى كـل نـفـسٍ شـقـيــــه
ياسعود ورد الديدحان لاتـوطــون= تراها عندي يابويحيى حـظـيــــه
صبوا عليها الماء قبل لاتـعـــدون=خلوها تزهر بالـفـيـاض الـعــــذيه
وان كـنـتـم لذيك الليالي تـحـنــون=انا حـنـيـنـي تـقـل صـوت رعـديه
قولوا . ولا للـرد منه تـحـــــرون=إن رد . رد بـفـعـل . ذيب السـريه
والخاتمه ياللي حضرتوا تـصلـون=عـلى رسـول الله خـيـر الـبـريــــه

احمد بن عبدالرحمن العريفي
(نديم المجره)

***********************

وبعد المكالمه ارسلت لهم الاربع ابيات الاولى من القصيده.
فرد الاخ / سعود الكردي بهذه القصيده:

سـلام ياللي للـشـمـال يـتـمــنــــون=اهـل الـقـلوب الـصـافـيات الـنـقـيـه
لو انهم كانوا على السيف يمشون=لا شك رغبتهم هوى الـحـنـظـلـيـه
يبون عـقـب العـصر للجال يرقـون=وعـقـب المغـيـب الـدلة الـشاذلـيـه
يالـيـتـهـم ياغـيـث يـمـي يــمـدون=ولشوفهم ياغيث روحـي شـفـيــه
واسري بهم بالليل لارضٍ يحـبون=يطرق بها الغـربي فـيـاضٍ عـذيـه
القلب يطرب به ولو كان محـزون=واحلى ليالي العمر روحه وجـيــه

سعود بن عبدالرحمن الكردي

**سعد النفج** · 04/02/11, (03:22 PM)

احمد العريفي ..
صح لسانك و صح لسان سعود الكردي ..
صوت و صدى رائعين ..
استمتعت بين هذه الأبيات ..
شكرا لك و دمت بخير ..

**ابو غريب العبدلي** · 04/02/11, (03:27 PM)

احمد العريفي ..
صح لسانك و صح لسان سعود الكردي الله الله للهم دركم والله

النجادي

**بنت الكحيلا** · 04/02/11, (06:23 PM)

صح لسانك اخوي احمد العريفي

قصيدة رائعه الله يعطيك العافية

ورد رائع من الأخ سعود الكردي

ابدعتم الله يعطيكم العافية جميعاً

لكم شكري وتقديري

**محمد بن موسى** · 04/02/11, (06:29 PM)

احمد العريفي

صح السانك مدد بلا عدد
قصيدة رائعه ومعبرة عن مايعانيه الشاعر
وما الوومك يالغالي بالخبر وجوها

ورد رائع من / سعود الكردي

صح بوحه وفكره ملايين

تقبل مروري وفائق احترامي

**حمد الخمعلي** · 04/02/11, (11:55 PM)

الاخ احمد العيرفي

صح لساانك على هذا التصوير الراائع

كُن بخير

**سالم صالح** · 05/02/11, (03:45 PM)

الراقي ,,,

احمد العريفي

صح السانك وكلك قصيدة راائعة ومميزة ودائما وانت عاشق للبر ومن لايعشق البر وخصوصا اذا كان مليء بالربيع وجمال الزهور تصوير مميز من شاعر مبدع

فالله درك ايها المبدع

ورد جميل من سعود كردي

تقديري وودي