تشذ / بني ..! - °~*¤®§(§ شبـــكة ويــلان العـربـيـه §)§®¤*~ˆ°

**فهد الغبين** · 04/02/11, (04:24 AM)

على بحر القصيد اللي تشكل غيم ..بالتبخير=تزامى ل السماء اللي ..تشققني ..وتقطبني
مثل بيت الشعر ..لامن عطاه الميبر التصبير=تصبرني ..على( الم :يبر) ..(وبي :ديها) ..تشذ : بني
لاني غير ..وأعرفني ..أناني بروعة التصوير=أحب أكتب أحاسيسي ..كماهي ..جات تكتبني
شغوف ..وعالمي ..صدر السماء ..ولي جناح الطير=أطير بعالي الغيم الندي ..واجني ما اعجبني
غريب ..وموطني صدر ٍ ..رمي بالجب ياهل العير=وهو يحاول ..بعد هد الصروح الشامخه يبني
فقدني ..من زمن ..واعلن باني كبير ..ماني صغير=واقول ..أخويه أخويه ...ولا قد قال لي يابني
تعبت ..ولا لقيت الا ..بقى أوجاع ..جتني كثير=بعد ..ماهد لي ضهري ..زمان الغلب ..واغلبني
انا ..ذاك الغني اللي ..يسمونه ..عربنا ...فقير=انا ذاك ..الحزين اللي ..حزين اللحن ..عذبني
انا ذاك ..الرضيع ..اللي ..تورث ..ماتركه الزير=انا ذاك ..الوحيد اللي ..جفاني ..من تقربني
انا ذاك ..الرماد ..اللي جمع في لحظة التنثير=انا ذاك ..اللمام اللي ..تنثر ..مني ..ما اتعبني
انا : ذاك الصغيراللي ..رفض يعيش الا كبير=انا ذاك الكبير ..اللي ..يصغرني الهوى ..وابني
انا : ذاك الشروق اللي ..يناطح غربته (بع :صير)=انا ذاك الغروب اللي يسابق شرق ما اغربني
أنا ..أخر من عرف إنه ..يسير ..ولايزال ..أسير=انا الخمر الحلال ..اللي ..حروف الشعر ..تسكبني
انا ..من صور الليل الطويل ..وشرقه ..التنوير=وانا ..من صاح بالحرف اللعين ..اليا نزف ..سبني
انا : اول طفل بالعالم ..يشيب ياعرب ويغير=انا اللي قلت ..وااا : غبني ..ولو ما قلت ..وااا : غبني
انا ذاك الكذوب اللي... فقد صدقه ..من التنوير=انا اللي ما أكذبني ...وشوفوا ..فيها ..اكذبني
انا الحاضر ..انا الغايب ..انا المنهك من التخدير=انا الغايب انا الحاضر ..انا المستقبل ل إبني
شحيح الوقت قدامي ..ولايعرف ..وش التاثير=بعد ما ..أعطيته اللحن المشع ..اشراق ..يغربني
انا الفاعل ..وانا المفعول انا الضمه وانا التكسير=وانا المبني ل المجهول..انا المجهول ل المبني
انا اللي رافض يكبر وعاش صغير وهو كبير=انا اصغر طفل بالعالم ..يردد ..اسف ..اضربني
انا المشنوق ..في شجرة ..نبتها الغيم والتقطير=انا اللي ..صاح محبوبي ...على غيماتك ..(اص /لبني)
انا : أخ ر ..علم بالدنيا ..يردد حلم علم.. تصير=انا أخ ـ ر ..حلم بالدنيا ..يردد ..علم حلم ..اب ني
انا الحلم الاخير اللي ..بناه العلم ..واقفى ..خير=انا العلم الأخير ..اللي بناه العلم .(واشج: بني )
انا (العراب) ل افعالي ..ولالف عالي غيري غير=انا المعجم ..لمن يعجم ..انا (العراب)..ماع : رب :ني

**أبو غرام** · 04/02/11, (05:05 AM)

فهد الغبين وإسم إقترن بالتميز

صح بوحك ما حييت وبالفعل انت كما ذكرت

مختلف بالتصوير ... بل انت مختلف الحضور

لله درّك من مبدع أخي

أخوك ابو أحمد

**خلف بن فهد الراشد** · 04/02/11, (07:04 AM)

فهد الغبين

حي فالك وصح لسانك وطاب شانك
جزل وريع عذب الغالي
لاخلا ولاعدم

كنت هنا واطلت المكوث ابحث عن فهد الغبين ووجدتك بهذه القصيده
انت انت ابن غبين

خلفكم

**بنت الكحيلا** · 04/02/11, (09:17 AM)

صح لسانك اخوي فهد الغبين

قصيدة في غاية الروعه والجمال

ابدعت بهذا البوح الله يعطيك العافية

لك شكري وتقديري

**محمد بن موسى** · 04/02/11, (01:28 PM)

فهد الغبين

صح السانك واعتلا شانك يالغالي

قصيدة شامخه بشموخ كاتبها

ابعدت يافهد وكفى

دمت بود

**تركي علي الخالدي** · 06/02/11, (12:41 PM)

الشاعر فهد الغبين

القصيده مميزه لاشك واعجبتني

صح لسانك

**بدرفهد الجعفري** · 07/02/11, (04:59 PM)

شكرا شاعرنا الجميل: فهد الغبين
على هذا الحضور المميز كالعاده ابدعت في ماكتبت .. لا املك الكثير من الكلامات لتفي هذه الشامخه حقها .. فقط اسجل اعجابي واقول لك صح لسانك