البارحه زاولت لذة منامي

[شايز عوض الجعفري]

البارحه زاولت لذة منامي=عديت نجوم الليل ولاحصيت عده
كني سجينٍ نازلن له اعدامي=قصوه طلوع الشمس بالسيف حده
وامه تهل الدمع ذبحه حرامي=حتى عليه ابوه يبكي وجده
عقب مافات الفوت جوله عمامي=وهذا القدر والموت بالروح قده
واظلم علي الجو عج وغمامي=عقب ثلاث ايام وردت عده
ياراكبٍ ثنتين عجلاتٍ همامي=زاهياتٍ بالدويرع والأشده
روحن مثل القطا ولا الحمامي=واسرعن مع خايعن هجنٍ تفده
لابوشالح عانياتٍ في سلامي=من رضا بالصلح له حبلٍ يمده
فسر الألغاز وافهم من كلامي=القوافي بالمعاني مستجده
شفت نجم سهيل غايب بالمضامي=والموارد بالجنوب ويم جده
ابدع القيفان والجزله سنامي=من محيطٍ زامين محدٍ يصده
منتحلوى ليحتزمنا بالحزامي=والعدو غدار لهجومه نصده
ساكنين بيوت ونسكن بالخيامي=والجبل عرنان له نجمٍ يهده
ماسكين الخط ونمشي للامامي=ولانهاب الموت من سيفٍ يحده
والجمل ليهاج يخزم بالخزامي=وان هدر شقران كوره له نشده
من تهاون في عدوه به ملامي=كنه الي يسكن بوادي وسده
الرسوس رسوس ماتروي ضوامي=من نوانا بشر حنا دوم ضده

الشاعر / شايز بن عوض الجعفري العنزي

[بنت الكحيلا]

صح لسانك اخوي شايز عوض

والله يعطيك العافية على هذه القصيدة الرائعه

ابدعت بارك الله فيك

لك شكري وتقديري

[حمد الخمعلي]

الاخ شايز عوض

صح لساانك على القصيده الجميله

كُن بخير

[جلال الدرعان]

كلماتك أتت كغروب الشمس
في وقت رحيلها
المتدفقه بسمو احاسيسها
قلم رائع وجميـــل ..
استطاع عبور الحواجز محلقا باجنحة
الابداع
ما زاالت حروفك تنطق الجميل
لتعبر شطآن الروعة بذرفٍ واسع الشفافية
ما زاالت حروفك تترااقص على بلاط
التفرد
لتهديناا عزفاً فريداً عزفته أناااملك
في شفاااه السطور
فالابداع لايتأتي بالعلم والمعرفه
وحدهما
انما باحساس مرهف وعفوية
وصدق والهام

[محمد بن موسى]

شايز الجعفري

صح السانك واعتلا شانك


قصيدة رائعه وجزله من جزالة شاعرها


ومهما قلت اخي الكريم فشهادتي بشاعريتك مجروحه


تقبل مروري واحترامي


كن بخير

[سالم صالح]

شايز العوض


صح السانك قصيدة راائعة من شاعر مميز وقدير


تقديري

[ابو غريب العبدلي]

الله الله لله درك على الشامخه ياشامخ قصيدة رائعه اعجبتني كلها شموخ وعزة نفس

تقبل مروري المتواضيع يالغالي