انا يامحمد كيف اسافر وخلي نوف!!!

[سعد بن هندي]

السلام عليكم ورحمة الله وبركاته
اسعد الله اوقاتـكـم بكل خير..
قصيدة من قديم الشاعر/ شقير الجذع ..
راقت لي .... اتمنى ان تروق لكم .

أنا يا محمد كيف اسافر واخلي نوف=وأنا كيف أعيش بديرة ٍ ماتعيش بها
أكب السفر من شانها لو علي ظروف=ولا لي بدربٍ خطوته ما تقربها
ليا جيت اسافر عن بلدها يجيني خوف=هواجيس حبٍ فالضماير تقالبها
وأنا ساعة ٍ ماوحي بها الزين والا اشوف=أعد السنه بحساب الايام واحسبها
عشير ٍ طواني طي الأوراق بالمظروف=مراسيل حب ٍ شمع الظرف كاتبها
بعد زرفه سجل عليه البريد حروف=واخذته مراسيل السما في حقايبها
عليها نظر عيني وقلبي لها مشعوف=والاضلاع راحت في صوايد مخالبها
طويل المعنق ضامره والحشا ملهوف=لالا ردفها كان الهبايب تهب بها
معزل نحيل الوسط جسمه صدر وردوف=نسيم الهوى لاهب نوده يلين بها
تمايل بجسم ٍ ينثني كنه الغظروف=تلاعب خفيف النود وهوه يلاعبها
يتل العروق اللي تغذي صميم الجوف=بنظرة عيون ٍ سحرها في مذانبها
نظرها عليها رمش والرمش يثر خوف=تخوف قلوب أهل المحبة وترهبها
ليا صد واغظى بالنظر كن فيه صفوف=جنود ٍ لخط النار ترسل كتايبها
والا يا عيون مقرنس ٍ بالشبك مصدوف=توايق ومفتول المسابيق قاضبها
ليا هدها الصقار مضرابها معروف=على مشبك الجنحان تثبت مظاربها
يلوف الضماير بالهوى والمحبة لوف=وأنا الروح غيره ماش شي ٍ يناسبها

لكم فائق احتراااامي وتقديري

[محمد بن موسى]

مشرفنا المتألق / سعد بن هندي

الله الله عليك اخوي

اختيار رائع وموفق لنص متميز

صح السان الشاعر العذب / شقير الجذع

وسلمت اناملك

قصيدة راقت لي كثيراً

دمت بود

[تركي علي الخالدي]

سعد بن هندي

ما اجمل هذا الاختيار الجميل والقصيده المميزه

وصح لسان شاعرها

والف مبروك الاشراف ولا اخفيك فقد اعجبني وضع اسم الشاعر مع القصيده واتمنى تأخذ على عاتقك هذه الفكره بعدم وضع قصيده دون ذكر اسم صاحبها ..

شكرا من القلب

[احساس قلم]

صح لسان شقير الجذع
وهذي من اروع قصايده صراحة
خصوصا ان قصة حبه لنوف انشهرت
في قبيلته
حتى بعد زواجه منها
هذا هو الحب الصادق جد
اخي الكريم صح لسانك وشكرا على هذالنقل
دمت بخير
وتقبل مروري

[بندر السديري]

سعد بن هندي
صح الساان الشااعر
ولاهنت على هاالاختيار الرائع والغير مستغرب منك
يعافيك ربي
تحيااتي

[أبو غرام]

يالله عليك

يالله عليك يالامير

وانتقائك مختلف تماماً

قليله بك قولة قلبك خضر

لكن الله يديم لك هالذائقه المتميزه
وتقبل مرور واعجاب اخوك بما تجود به


اعبق التحايا

[بنت الكحيلا]

اختيار في غاية الروعه

الله يعطيك العافية اخوي سعد بن هندي

وتسلم على حسن الإنتقاء

لك شكري وتقديري