يا زين من خاوا الرجال المناعير.....

[نايف هويدي العواجي]

يا زين من خاوا الرجال المناعير=اللي على ما قيل ربع وفيه
ربعن تحب البر وايضا صقاقير=راعين صيد ويعشقون القويه
لا لاح براق الامزون الشخاتير=وصوت الرعد يقفاه هل برديه
ثم جهز العزبه وجهز لنا الطير=نبغا دياراً با العطايا نديه
في خايعن فيه الخزاما مزاهير=وتلد عينك للورود الشذيه
والشاص حولك شايقن للمشاوير=يبغا دياراً بعيداتن فضيه
نسج لديار الحباري مداوير=والنفس تطرب كان نفسك شقيه
وليا قنصنا وغابت الشمس بعصير=صغيرنا يسويلنا شاذليه
الدله اللي تشرحك دون تعكير=وناخذ من الموال والسامريه
ومن القصايد هات قول الشواعير=اللي قصايدهم جزال ونقيه
ومن بعدها نبغا حليب المغاتير=خلفات وضح وللجراكل مليه
في جلست اهل الطيب واهل المقادير=والنار من زود الحطب دوم حيه
ترتاح من كثر الشقا والتفاكير=ومن الكلام بزيد ولا خويه
مع لك ربعن يجهلون المخاسير=كسابتن للطيب والمقدريه
اخير من مناظر المدن والسير=ومن الذي ما ينطق الا الرديه
ناسن تحسب كثيرات الدنانير=ورباحها اللي با الوطن داخليه
كلام واضح ما يبي اي تفسير=ما اورد الابيات من عنجهيه
وختامها باخر جميل التعابير=صلو على الهادي شفيع البريه

[محمد بن موسى]

اللهم صلي وسلم على سيدنا محمد

نايف بن هويدي

تألق وابداع غير مستغرب
فدائماً ماتشدني نصوصك وقصائدك

لله درك اخي

وصح السانك حتى ترضى

تقبل مروري وفائق احترامي

كن بخير

[سليمان الجعفري]

الشاعر المميز/ نايف بن هويدي

صح لسانك قصيده راااائعه ..الله يعطيك الف عافيه

تألق وابداع غير مستغرب منك انت دائماً نصوصك جزله

تقبل تحياتي وحترامي

[سعد بن هندي]

الشاعر المميز/ نايف بن هويدي
صح السانك وعلا شانك
قصيدة جزلة من راس جزل
وتقبل مروري المتواضع

[سالم صالح]

نايف هويدي


صح السانك وكلك قصيدة راقية وشامخة

ودائما وانت تتجدد بالابداع

تقبل تقديري

[تركي علي الخالدي]

نايف هويدي العواجي

صح لسانك وهالمنظر اللي وصفته الكل يشتاق له وانت شوقتنا اكثر

صح لسانك

[ابو غريب العبدلي]

الله الله عليك يالغالي صح لسانك مليار يالغالي لله درك وانت والله من الرجال المناعير يالغالي ونعم بك وفي لابتك