نخوه لشيوخ شمر

[شايز عوض الجعفري]

هذه القصيده نخوه لشيوخ شمر الذين قاموا بجهد وذهبو الىالشيخ بدرمحماس الشغار للتنازل عن اخي مليح بن عوض الجعفري العنزي وقد تم التنازل عن حقهم الخاص ولله الحمد وقلت هذه الابيات

صورة ابالي ماطرالي بسوهاج=ضاقت بي الدنيا وخرب مزاجي
مشكاي لله خالق الخلق فراج=دق الخفوق وبين ضلعين هاجي
مارضاء على نفسي مهونه ودبلاج=شربت من مر مذاقه هماجي
ماريد مال من رفيقي ولا احتاج=ترقد على خمه فروخ الدجاجي
انخا ابو بدر كان بالشعر مخراج=وانت عقيد القوم وانت العواجي
ورت لعدٍ منهله جال هداج=والا خطات اللاش مابه ملاجي
وانخا خوالي شمرٍ علمها تاج=ذيابة غداري في نهار العجاجي
هذي طنايا فعولها مثل الامواج=عدوهم يصعب عليه العلاجي
قامت تناخا شمر واحتما الصاج=صكت بها غلبا فهود الزراجي
وانضمت الاقدام من كل معراج=زيزومها شيخ ولد العواجي
حر من المرقاب لصيدته راج=افخر بربعي نور عيني سراجي
علي دين وصاحب الحق فلاج=ولايلام من مثلي عليه انزعاجي
لنا على الطيب شرهه ومنهاج=والحق مايزعل ولابه مناجي
صابر ثمان شهور وادور مخراج=والحمد لله حلها بانفراجي

الشاعر / شايز بن عوض الجعفري العنزي

[بدرفهد الجعفري]

والنعم بربعك وبك

والنعم في الطنايا

صح لسانك ياشايز واهلا بك في شبكة ويلان العربيه

[سالم العنزي]

شايز عوض الجعفري

اهلا وسهلا بك في ملتقى النخبه

وصح لسانك على هذه الابيات

[أبو غرام]

اخي الكريم شايز

صح بوحك وفكرك ونعم بالقاصد والمقصود به
ولاهي غريبه على شمّر الطيب
ولا هو غريب على عنزه رد الجماله

وانت مثال حي ويحتذى به
فصح لسانك ما حييت

تقبل مرور اخيك ابو احمد

[تركي فلاح]

صح لسانك أبو فااارس


شاعر راقي ومخضررررم





دمت بود ..




تركي فلاح

[محمد بن موسى]

شايز بن عوض الجعفري العنزي

ونعم بك يالغالي وبربعك وبشمر

ونسأل الله ان يجعل ماقدموه في ميزان حسناتهم

فالعفو عن المقدرة من شيم الكرام

صح السانك واعتلا شانك ياشايز

تقبل مروري واحترامي

[سالم صالح]

ابو فاارس صح السانك وبيض الله وجهك على هالقصيدة الشامخة


وبيض الله وجه العواجي ومن معه من ربعنا عنزة وكذلك بيض الله وجه شمر عاداتهم الطيب


وماقصروا عتيبة على تنازلهم والشغار راعي طيب ودايم يقدر عليه


فالله درك وكفوا ياشايز على هالابداع


تقديري وودي