باي باي سعودي

[بدرفهد الجعفري]

باي باي السعوديه , يعني برا يالسعوديه , يعني خروج من الدور الاول لبطولة آسيا , يعني خسارة هالفلوس اللي اندفعت .

ودع اليوم المنتخب السعودي بطولة آمم أسيا بالخساره الثانيه امام الاردن بهدف وحيد وبإداء اسواء من السيء وبدون اي روح وكأن من يلعب هم مجموعه اشباح ولس لهم علاقه بالوطن !

نعم خسرنا من الاردن وقبلها خسرنا من سوريا !

كنا قبل بداية البطوله نظن ان هاذين المنتخبين هما الاسهل ! وبل من اليوم الاول الذي سحبت فيه القرعه ظمنا التاهل !

والنتيجه ...؟؟؟

من اليوم الثاني للبطوله خــــساره من اضعف الفرق مع احترامي الشديد لهم ! خساره ونحن نتباهي بتاريخنا الكبير في آسيا !

بعدها آتت عاصفه من الحلول !

اقالة مدرب ,,, تغيير تشكيله ,,, زيادة عدد الجماهير ,,, و.....و....

وكأن المدرب هو من سينزل للمعلب ويلعب , وكأنه هو من سيؤهلنا !! وكأن الجماهير يسمح لهم في دخول الملعب لتسجيل الاهداف !

وبعد هذه الحلول ايضا نخسر !

اذا اين الخلل ؟ هل هو في المدرب !! او .. في اللاعبين ..!!

بصراحه انا لا اظن !!

بل اقول ماقاله الكابتن سامي الجابر بأن الشق اكبر من الرقعه ؟؟!

سؤال وبصراحه ..

بعد وفاة الامير فيصل بن فهد رحمه الله , ماذا حقق المنتخب السعودي من انجازات بجداره ؟؟

[بدر العيد]

شكراً يالسمي كلامك في محلة ...بس ياليت نفهم الدرس ونعيد ترتيب اوراقنا

لك مني وافر الحب

[معاذ المطردي]

بصراحة لازم نكون واقعيين وما نلعب على أنفسنا هذي الحقيقة .. الدوري السعودي في هبوط مستمر المنتخب في هبوط .. المواهب أختفت .. الملاعب والمرافق حقت الأندية كلها من أيام عدنان ولينا ما غيروها ..
المسؤولين للرياضة أعتقد ماسحين من القاموس كلمة ( تطور ) .. الناس تطور الأندية جالسة تتخصخص .. لحد يقول الخصخصة ما تفيد .. أعجبني كلام نواف التمياط قال خصخصة الأندية المستفيد الأول منها المنتخب .. أولا ب الأكاديمية الي راح تطلع والضخ العجيب الي راح يفيد المنتخب ب المواهب واللاعبين القادمين مع الخصخصه .. ثانيا الأتحاد السعودي سوف تصبح ميزانيته كامله فقط للمنتخب وبهذا يكون التطوير أكبر وما يحتاج كل سنة يدفع مبلغ للأندية لا و يذلونهم فيه بعد .. وما يجي الا متأخر .. أبو عبدالله قالها ع الجزيره مو عيب نخسر العيب اننا نستمر بالخطأ والعيب الأكبر أننا نعرف وش الخطأ لكنا ما نقدر نصححه .. وهنا أشارة واضحه على سلطان بن فهد الي أكن له كل الأحترام والتقدير ك شخص .. لكن يا رجل خلاص أثبت أن ماعندك شي تقدمه للرياضي السعودي .. أو لنا ك جمهور متعطش .. لا ملاعب لا تطور لا بطولات لا عالميات .. وش بقى .. الان بعد كل هذا المنتخب للأسف جالس يدحدر وصرنا بوابات عبور ل منتخبات كانت ب الأصل بوابات عبور للأخصر السعودي ..


خلاص ماعاد نبي ديناصورات أداريين .. ماعاد نبي كروش يخوي يديرون المنتخب زهقنا من المصيبيح وشلته زهقنا من الأزدواجية ف التعيين .. الأتحاد السعودي كله يدريه 40 شخص الي باللجنة الفنية تلقاه ب لجنة الحكام وتلقاه منصب ف نادي وتلقاه وتلقاه ..!! إلى متى ..!؟ خلاص العقول تطورت .. عقول الزمن الغابر ماعاد نبيها .. أبي أشوف منتخب صاحي ياخي أبي أشوف لعب أنا عن نفسي يا جماعة أحس أني ب أموت والمصيبيح وسلطان توهم مع المنتخب ..
أخوك : معاذ

[مازن الفهد]

اللاعبين اللي لعبوا في آسيا زعلانين و معصبين لأنهم مالعبوا بالخليجيه
ههههههه
اعذروني من المضحك ان نهمل بطولة الخليج من اجل الفوز بآسيا
كل مباراه بتشكيله وااااضح ماراح نفوز
مدرب سيء
لاعبين بقدمون اسوأ المستويات
التمسك بلاعبين لم يخدموا فرقهم في دوري زين
الاستغناء عن لاعبين يستحقون تمثيل المنتخب
وين محمد نور - عبدالرحمن القحطاني - و غيرهم
الكلام كثير عن المنتخب
و يا خوفي من مستقبل الكرة السعودية

[أبو غرام]

الحديث حولهم
يغث البال لا اكثر

.
.


والضرب بالميت حرام

شكرا يالامير على هالموضوع

[سالم صالح]

شكراً لك اخي / بدر فهد الجعفري

واساساً التعب والنقاش بهذا الموضوع غير مثمر لان الشق اكبر من الرقعة والداء متفشي من سنين وكمل عليه بيسيرو



تقديري لك

[ماجد الغانم]

شكراً أخوي بدر موضوعك رائع

ومن وجهة نظري أرى أن اللأعب السعودي هذي قدرتة وهذا طموحة ماراح يعطي أكثر من كذا
أعتقد أن الجميع يتطور فكراً وجسداً ونحن لا زلنا على الطريقة القديمة طقها والحقها مشكلة الاعب السعودي فاهم الكرة أنها مهارة ويقدر هو وحدة يحقق الأنجاز ونسي أنه يلعب مع 10 لا عبين غيرة في المستطيل الأخضر

للأسف الكل يطمح الى أنه يكون ماجد ثاني ويبون يعدون من كل لاعب منافس ويسجل الهدف بجهده هو

خلاص هذا زمان وانتهى والحين لو يرجع ماجد لايمكن يسويها مرة ثانية لأن الناس تطوروا
وفهمو الكورة وأنها لعبة جماعية وليست فردية .كرة القدم روح.. كرة القدم تعاون ..وكرةالقدم أخلاص للوطن قبل كل شي ..


هل ترون هذه الصفات متواجدة باللاعب السعودي ؟

صدقوني هذا مستوى الاعب السعودي ولن يتغير الا بعد عشر أو خمسة عشر سنة بعد أن يأتي جيل يلعب كرة بفكر وبثقة وبدون انانية ويفهم أن الكرة تعاون وروح
( وهذا لن يتحقق ألا بوجود أكاديمية تعلم أبنائنا وتغرس فيهم هذه الأشياء وبدون كذا
صدقوني خلاص هذا مستوانا كل بطولة ستخرج بدون أن نحصل على نقطة واحدة ..ناهيك عن تأهلنا الى كأس العالم فأننا سنواجه الكثير من العقبات والصعوبات التي ستقف حائلاً وذلك لسبب بسيط أن العالم تطور ونحن في مكانك سر .

...
اخي بدر شكراً على هذا الموضوع ودمت بكل خير