.......(( الكـّـدش )) ...

[محمد بن موسى]

السلام عليكم ورحمة الله وبركاته

اعضاء ومشرفي منتدى النخبه ويلان

صبأأح / مســاء الخير

ظاهرة ( الكّـدش ) ظاهره دخيله على مجتمعنا المحافظ
وقد انتشر في الأوانه الاخيرة بكل أسف

واحببت ان نناقشه من خلال هذا النص الذي اتشرف بوضعه بين ايديكم

عشّنا وشفنا للكدش ياهل الخير=وبريك دانس ورآب بأرض الطهاره
وأشياء تغث البال تحتاج تفسير=متنثرة في كل شارع وحاره
مدري جهل والا تخلّف وتغرير=او ضعف وازع يحسبونه حضاره
والا من اهل الدين ياناس تقصير=وعن النصيحه ساهمو بأنتشاره
صارو على الشاشات في حزة عصير=تعرض لهم مكسات فن ومهاره
وجمهور واستعراض وعروض تبصير=للي جهل في فنهم وازدهاره
وين الشيّم وين القيّم يالمناعير=وين الرجال اهل السنع والنعاره
اللي لهم بالوضع صرفه وتدبير=ولهم على بعض المواقف جساره
نبي مثل جساس او سالم الزير=يجي يحل الوضع قبل اندماره
الوضع مزري مايبي زود تأخير=والحل واضح مايبي له شطاره
مايترك الجاهل على كيفه أيصير=لابد مايردع ويعلّن حصاره
ويترك سلوم الفسق واهل الخنازير=عبّادة الاوثان ساس الحقاره

[بنت الكحيلا]

ما شاء الله عليك اخوي محمد بن موسى

درة من الدرر الثمينه والتي لا يأتي بها إلا شاعر متمكن مثلك

صح لسانك وبيض الله وجهك على هذا الإبداع

الغير مستغرب منك


لك شكري وتقديري

[صبيح العوض]

اخي محمد بن موسى

صح السانك شاعر متمكن يكتب بجميع اغراض الشعر ولاغرابه على شاعر بحجم محمد موسى هذا الابداع

صح السانك مره ثانيه وثالثه وحفظك الله من كل مكروه


تحياتي

[مشهور الرشدان]

وين الشيّـم ويـن القيّـم يالمناعيـر
وين الرجال اهـل السنـع والنعـاره

الله عليك صح لسانك ياسلطان شاعر متمكن والبيت هذا هزني صراحه
واحب اطمنك طال عمرك في امر من النائب الثاني الامير نايف بن عبد العزيز ال سعود الله يحفضه

اللي يشوفونه مسوي كدش والا بطحني مدري طيحني واماما ساحمني على طول يمسكونه
ومدري عاد وش حكمه هذا اللي يالرياض لكن جده مدري عنها

والله لو الامر بيدي اللي اشوفه كدش او بطحني قصااص مافي
ههههههههههههههه

الله يبيض وجهك ابو موسى على هذه القصيده وعلى هذا الموضوع
وهذه اللفته الرائعه

اخوك مشهور

[أبو غرام]

لله درك ايها المبدع ولا غرابه
ان تكون شاعر الموقف وجزله

ابدعت وتفننت اخي وسخّرت حرفك لتطويع ما تراه
فلله درك وحفظك الباري
وصح بوحك ما حييت

اخوك ابو احمد

[سعد النفج]

الشاعر المبدع / محمد بن مسى ..
صح لسانك ..
موضوع فعلاً يستحق أن ننظر إليه نظرة دينية قبل النظرة الإجتماعية ..
فهذا مرفوض ديناً و خلقاً ..
و للأسف هذه النوعية تضع أعذار واهنة و تختفي وراء الإنفتاحية و الثقافة ..
شكرا لك على نصك الجميل و دمت بخير ..

[محمد بن موسى]

المشاركة الأصلية كتبت بواسطة بنت الكحيلا

ما شاء الله عليك اخوي محمد بن موسى

درة من الدرر الثمينه والتي لا يأتي بها إلا شاعر متمكن مثلك

صح لسانك وبيض الله وجهك على هذا الإبداع

الغير مستغرب منك


لك شكري وتقديري

بنت الكحيلا

صح بدنك ونبض قلبك

اسعدني مرورك وتعطيرك متصفحي
وشهادة اعتز بها من شاعره بحجم بنت الكحيلا

دمتي بود وسعاده