قصيدة الحصبان امام الشيخ مــسلط الهذال ووجهـــاء عنزه
بسم الله الرحمن الرحيم
هذي القصيده القيتها في النيابه عن والدي نواف الحصبان الصقري
في الشيخ مسلط الهذال امام وجهاء عنزه في الحفل المقام على شرفهم في تشاورية البيان
مهمنا قلنا من اشعار لن نوفيك حقك يا شيخ مسلط الهذال يا صاحب الوقفات الجسيمة والشامخه
الهذال رمز لكل عنزي اصيل في الوطن العربي ويستحقون كل تقدير واحترام على عطائهم لهذه القبيلة العريقة
[
بادي بذكر اللي يسوق الهبايب...............الواحد اللي كل الاسلام ترجيه
طالبك ياجذل العطا والوهايب.................يالله تعز الشيخ مسلط وتنجيه
عقب الشيوخ اللي تفك النشايب...........شيخ الشيوخ اللي عريب مجانيه
ماشيخته شيخات عضوٍ ونايب..............علمه وتاريخه من المجد مكفيه
فعله مثل جده عطيب الضرايب............وابوه من طيب المراجل مغذيه
عن واجبات الناس ماهو ابغايب............ومن دز له دعوه يزوره وياتيه
ولاهو مثل بعض الشيوخ الجلايب.........اللي على ربعه رديه مســاعيه
مسلط امشاركنا الفرح والمصايب ..........هذا يجي عرسه وهذا يعزيــه
كل عنزه للشيخ مسلط قرايـــــب...........وكل عنزه باللازمه تعتزي فيه
ابو فهد وشلك ابعوج الطلايـــب............كل يقول ونعم لاحل طاريــــه
وفهد ولد مسلط عن الشيخ نايب...........يقوم بالواجب عسى الله يخليــه
وجيت فهد اطفت علينا اللهايب ........على عزانا الشيخ مسلط اموصيه
حلياه حراً فوق روس الجذايب...........والحر الاشقر بينات مواريــــه
والنعم بالهذال شبا وشايـــــب..............والكل منهم طيبات مماشيــــه
اخوات بتلا يوم دور الحرايب............افعالهم بالشرق والغرب توحيه
وحنا سندهم بالليال الصعايب.............تظهر مواقفنا نهار المكاريـــــه
لأهل البويضا واجلويه سبايب............يوم انتخينا عند وضح مداليـــه
حنا الصقور مجسره كل هايب .........ننزل قفار الخوف والذود نحميه
واليا ركبنا فوق عوص النجايب.........كم ذود قوم نشلعه من مفاليـــــه
وهذا زمان شفت فيه العجايب ............فيه الردي ينكر تراثه وماضيه
ومن ينكرالماضي من الناس عايب.....ماله معا اهل الطيب فعل ايجديه
ترا الردي في كل الاحوال خايب .........الناس ما تبدي عليه المشاريه
وصلوا عدد ماهل وبل السحايب........على الرسول بتالي القول نهديه
بالامير الا الملك ابن هذال هذا هو شيخنا مالنا شيخا غيره عزالله ونعم تاريخ عريق باذخ مليء بالمفاخر والمرجلة الصادقة ورفعة روس عنزة بالعالم كله من منديل لجديع للمحزم لمشعان لمهلهل لمحروت لزبن لكل الهذال .... صح لسان الوالد على هذه الملحمة الصادقة بكل بيت في ذكر هؤلاء الرجال الابطال وهم أهلا لذلك وصح لسانك اخوي الحصبان ونعم والله بربعنا الصقور راعين البويضاء ... صح لسانك ملايين ولا يسدن .... لك كل التحايا والاحترام والتقدير وسلم لنا على الوالد وقله يقول عبدالمحسن الجلوي صح لسانك عسى الله يطول بعمره ....
10/01/11, (04:34 AM)
قصيدة الحصبان امام الشيخ مــسلط الهذال ووجهـــاء عنزه
العرض العادي
