ياسر التويجري والـ ام بي سي

[سعيد النعيمي]

هذه الابيات كتبتها بعد مقابلة الشاعر ياسر التويجري في الام بي سي
اتمنى ان تحضى على اعجابكم ..

مقابلة انســـان توحي لك احيــــان =بافكار تسمـو بك عن افكار الاقزام
وتعطيك مايثري المدارك عن انسان=يكشف لك المستور بالمحور الهـام
في الشعر والتفكير ومسامر الجــان=وكيفية القدرة على كسب الاعـلام
وذا اللي تملكني بعد عرض (نيشان)=برنـامـج ٍ كله دلالات واسهــام
من شـاعر بذهني انا اعتبــره الآن =من خيرة الصفوه مع الركـب قــدام
شاعر بنى نفسـه بلا ذل واذعـان=ولاسخر حروفه ورا طرد الاوهام
وزود ٍ على ذلك ورا جال كثبــان =شفتـه وهيضنـي بعد شيـل عـزام
وقلت الذي قلته وانا اشوف شقـران=الصـافي الـوافي من طيور حكــام
لاهـان من اهــداه ياســر ولاهــان=من قابض ٍ سبقه مع صفوة اكرام
نادر حرار وهقوتي فيه يا اخـــوان=نزارة ٍ تطغى على عـزم صــدام
له كف في حجمه مثل كف الانسان=وإليا ضرب خربٍ من الحوش ماقام
عز الله انه طيـر في نفسـه ادمان =بالصيــد و بعينــه نعم دافع اجرام
ومما حداني له على طرق الاوزان=بياض صــدرٍ تحـزبه قطعـة احرام
وراس ٍ يخيَل لي كما راس ثعبان =وســواد عين ٍ كنهــا لون صخـام
وهذا الـذي طرب خفـوقي ولـه لان =سبق الغـلا من بعد صوت التلــزام
حراً كانه شيـخ في مجلــس اعيـان =وان فز له فـزوا هل الطيب خــدام
لا مفـرط ٍ خرب ٍ ولا فك حفان=والكف كني به ارا صك الاعـدام
واقول من غبطه بعد شوف شقران=الطير وافي وراعي الطير ضرغام
ولوجرأة الانسان في بعض الاحيان=تدعيه يسبق بالخطى بعض الاحلام
واقول دام إنـــي مع ياســر اخـوان=باسلـط الرؤيــــا على نبــش اللآم
ومعيار تقـديـري لتقييـم الانســــان=ماخوذ من صلب التجارب والاسلام
ولاهمني نقـص المؤهـل ولو كان=بعض الشهايد حق هل العلم تنسـام
لـذا اشــوف بفطــرتي ياسـر الآن=دكتــور في فقه الصـراحه والالمــام
في غطرسة ياسر ارا رفعة الشـان=رغم المصــاعب كلهــا عزم واقـدام
وفي حــدة النبــره ارا كتــلة احـزان=لوشافهـــا غيري أبد ما اصدر احكام
وخصيتها بتحليل من نظرة امعـان=وشفت الشـقا مخـاويه له عدت اعوام
فيا الله عساك توفقـه وين ماكان=وانك تخلي لي هواجيــس الالهـــام
وانك تمتعني اذا جيت طربـــان=وتســـاعد امثــالي على سود الايـــــام
وختم الكلام يرافق الشكـرعرفان=للي تبنى في الشعـر كســر الارقـــام
والشكر موصول ٍ الى الاخ نيشان=اللي كسب من ذا اللقــاء ثورة اعـلام

[محمد بن موسى]

الشاعر القدير/ سعيد النعيمي

(( ابو حسن ))



اولاً/ ياهلا فيك اخوي في منتدى النخبه

نورتنا بأنضمامك الى كوكبة شعراء ونجوم ويلان

وثانياً / صح السانك ملايين

قصيدة رائعه ومعبرة عن كل مايختلج بصدرك تجاه الشاعر الرائع / ياسر التويجري

وانا اتفق معك بكل ماذكرت

فالشاعر ياسر التويجري يستحق كل ماوصفته به

فهو شاعر مبدع استطاع ان يصل الى القمه بسرعة الضوء

وشهادته ومؤهله تجاربه بالحياة وهي اكبر مدرسه

له منا كل الود والتقدير

تقبل مروي واعجابي بما قرأت

.
.


يثبت النص

[جلال الدرعان]

اهلا وسهلا بكـ اخوي سعيد النعيمي
في منتدا ويلان

احييك على ذوقك وحسك في طرحك
قلم رائع وجميـــل ..
بأنتظار جديدكـ العاطر بكل شوُق .
عوآفـيـ
همسـةً :. المشاركة رائعة ومقدمة بأسلوُب رائع تسسسًلم الايآدي .
لاعدمنآك .

[عبدالمحسن الجلوي]

أهلا وسهلا يا شاعر البحرين


الشاعر سعيد النعيمي صح لسانك وحياك الله وشكرا لك على هذه المشاعر السامية والنبيلة اهلا وسهلا ومرحبا بأهل البحرين الاخوة الاشقاء ...

[بنت الكحيلا]

النعم با المادح والممدوح

صح لسانك اخوي سعيد النعيمي

وتسلم على هذه القصيدة الرائعه

وياسر شاعر يتساهل كل خير

ابدعت بما كتبت الله يعطيك العافية

[سليمان الرشدان]

الشاعر .. المبدع / سعيد النعيمي
حياك الله معنا .. بين اخوانك وعيال عمك ..وشرفتنا بحضورك
وصح لسانك .. على هالقصيده الرائعه .. ويستاهل ياسر والله يديم المحبه
تحيـــإتي لك

[أبو غرام]

في البدء صح بوحك ما حييت
وثانياً ان أنعم وأكرم في المادح والممدوح

وثالثاً ان مثل هذا الحضور
بلا شك ينبي عن وجود شخص نود القراءة له أكثر

فمرحباً بك وحياك الباري في حضورك